গুৱাহাটী,১৬ জুন: প্ৰদেশ কংগ্ৰেছৰ (Assam Pradesh Congress Committee) সভাপতি ভূপেন কুমাৰ বৰাৰ নেতৃত্বত কংগ্ৰেছৰ এটা প্ৰতিনিধি দলে বৃহস্পতিবাৰে ৰাজ্যপাল জগদীশ মুখীক (Governor Jagdish Mukhi ) দুখনকৈ স্মাৰক পত্ৰ প্ৰদান কৰে ৷ এই স্মাৰক পত্ৰ দুখনৰ এখন স্মাৰক পত্ৰযোগে গুৱাহাটীৰ লগতে ৰাজ্যখনৰ শেহতীয়া বান পৰিস্থিতিৰে মোকাবিলা কৰাত ৰাজ্য চৰকাৰৰ চূড়ান্ত ব্যৰ্থতা সম্পৰ্কত ৰাজ্যপালৰ হস্তক্ষেপ বিচাৰে (Assam Congress seeks Governor’s intervention to find solution) ।
আন এখন স্মাৰক পত্ৰ যোগে দিল্লীৰ নিখিল ভাৰত কংগ্ৰেছ কমিটীৰ কাৰ্যালয় আৰু গুৱাহাটীৰ ৰাজীৱ ভৱনত পুলিচ বাহিনীয়ে অনাধিকাৰ প্ৰৱেশ কৰি বিষয়ববীয়াসকলক শাৰীৰিকভাৱে অপদস্থ কৰা আৰু চূড়ান্ত উদ্ভণ্ডালি চলোৱা কাৰ্যৰ বিষয়ে দৃষ্টিগোচৰ কৰি উপযুক্ত ব্যৱস্থা গ্ৰহণৰ বাবে আহ্বান জনায় কংগ্ৰেছৰ প্ৰতিনিধি দলটোৱে ।
সভাপতি ভূপেন কুমাৰ বৰাৰ উপৰিও বিধায়িনী দলৰ উপ-দলপতি ৰকিবুল হুছেইন, কাৰ্যকৰী সভাপতি ৰাণা গোস্বামী, সাংসদ আব্দুল খালেক, বিধায়ক প্ৰদীপ সৰকাৰ, সাধাৰণ সম্পাদকদ্বয় অপূৰ্ব কুমাৰ ভট্টাচাৰ্য আৰু ববিতা শৰ্মাই ৰাজ্যপালক সাক্ষাৎ কৰি এই স্মাৰক পত্ৰ দুখন প্ৰদান কৰে ।
