বাইহাটা, 13 অক্টোবৰ: অভিনেত্ৰী আৰু প্ৰযোজক হিচাপে খ্যাতি লাভ কৰাৰ পিচত এইবাৰ সমাজ সেৱিকাৰ ৰূপত প্ৰস্তুতি পৰাশৰ । বিগত বিধ্বংসী বানৰ সময়ত প্ৰস্তুতি পৰাশৰে দৰং জিলাৰ কুৰুৱাৰ এগৰাকী সপ্তম শ্ৰেণীত পঢ়ি থকা পিতৃহাৰা ছাত্ৰীক পঢ়াৰ সকলো খৰচ বহন কৰাৰ প্ৰতিশ্ৰুতি দিছিল । সেই প্ৰতিশ্ৰুতি ৰক্ষা কৰিলে বাইহাটা চাৰিআলিৰ কৰৰাত চলি থকা আবাহন থিয়েটাৰৰ ৰংগমঞ্চত । শ শ শ্ৰোতা দৰ্শকৰ সন্মুখত প্ৰদান কৰিছিল অনুদান দিয়াৰ প্ৰতিশ্ৰুতি। সাহাৰ্য্য লৈ আৱেগিক হৈ পৰিল নীতা নামৰ ছাত্ৰী গৰাকী ।আনফালে, আবাহনৰ মঞ্চতে মন্ত্ৰী ভৱেশ কলিতায়ো নীতা নামৰ ছাত্ৰীগৰাকীক সাহাৰ্য্য আগবঢ়ায় । নীতালৈ সহায়ৰ হাত আগবঢ়োৱাৰ বাবে প্ৰস্তুতি পৰাশৰক ধন্যবাদ জনায় মন্ত্ৰীগৰাকীয়ে ।
দুখীয়া ছাত্ৰীলৈ সহায়ৰ হাত অভিনেত্ৰী প্ৰস্তুতি পৰাশৰৰ
