গুৱাহাটী, 9 জুন : গুৱাহাটী মহানগৰীত ডেৰমাহ ধৰি সন্ধানহীন হৈ আছে এগৰাকী কিশোৰী (A 13 years girl missing since one month in Guwahati) । সন্ধানহীন কিশোৰীগৰাকী নাৰেংগী কেন্দ্ৰীয় বিদ্যালয়ৰ ষষ্ঠ শ্ৰেণীৰ ছাত্ৰী পৰিস্মিতা মালী (13) ৷ জানিব পৰা মতে, 22 এপ্ৰিলৰ পুৱাই কিশোৰী গৰাকী ঘৰৰ পৰা ফুৰিবলৈ ওলাই গৈ গৈছিল আৰু তাৰ পাছৰে পৰা সন্ধানহীন হৈ আছে কিশোৰীগৰাকী ৷
পৰৱৰ্তী সময়ত পৰিয়ালৰ লোকে বিচাৰ-খোঁচাৰ কৰিছিল, যদিও কোনো সম্ভেদ লাভ নকৰিলে পৰিস্মিতা মালীৰ ৷ কিশোৰী গৰাকীৰ পৰিয়ালৰ লোকে ফৰেষ্ট গেটৰ পংকজ বৰ্মন নামৰ এজন যুৱক কিশোৰীগৰাকী নিৰুদিষ্ট হোৱা ঘটনাত জড়িত হৈ আছে বুলি অভিযোগ উত্থাপন কৰিছে । লগতে যুৱকজনে কিশোৰীগৰাকীক ঘৰৰ সন্মুখৰ পৰাই বাইকত উঠাই নিয়ে বুলি পৰিয়ালৰ লোকে জনায় (Kidnapping case in Guwahati) ৷
ইতিমধ্যে কিশোৰীগৰাকী নিৰুদ্দেশ হোৱাৰ দিনাই পৰিয়ালৰ লোকে নুনমাটি আৰক্ষী থানাত এখন এজাহাৰ ৰুজু কৰিছিল ৷ যদিও এই পৰ্যন্ত অভিযুক্ত যুৱকজনৰ কোনো সন্ধান লাভ কৰিবলৈ সক্ষম হোৱা নাই আৰক্ষীয়ে । তাৰোপৰি যুৱক জনৰ মোবাইল ফোন বৰ্তমানো বন্ধ হৈ থকাত নিৰুদ্দিষ্ট কিশোৰীগৰাকী উদ্ধাৰৰ ক্ষেত্ৰত ব্যৱস্থা গ্ৰহণ কৰিবলৈ সক্ষম হোৱা নাই আৰক্ষীয়ে ৷
আনহাতে, সন্ধানহীন কিশোৰীগৰাকীৰ কিবা সম্ভেদ পালে স্থানীয় আৰক্ষী থানাত জনাবলৈ ৰাইজক অনুৰোধ জনাইছে পৰিস্মিতা মালীৰ আত্মীয়ই । ইফালে কলৈ গ'ল পৰিস্মিতা মালী ! কোনো নাৰী সৰবৰাহকাৰীৰ কবলত পৰিছে নেকি পৰিস্মিতা ? নে নিৰুদ্দেশৰ অন্তৰালত কোনো দুষ্ট চক্ৰ জড়িত হৈ আছে ! এনেবোৰ প্ৰশ্নৰ উত্তৰ বিচাৰি হাবাথুৰি খাইছে পৰিয়ালবৰ্গ ।
লগতে পঢ়ক : KAAC Election 2022: কাৰ্বি আংলঙৰ নিৰ্বাচনকেন্দ্ৰিক হিংসাই লৈছে চূড়ান্ত ৰূপ
