ডিব্ৰুগড়, 22 মে' : ডিব্ৰুগড়ত ক'ভিড পৰিস্থিতি এতিয়াও অনিয়ন্ত্ৰিত হৈ আছে । দিনক দিনে বৃদ্ধি পাই আছে ক'ভিডত আক্ৰান্ত ৰোগীৰ সংখ্যা । ডিব্ৰুগড়ত ক'ভিডৰ ভয়াৱহতা বৃদ্ধি পোৱাৰ লগে লগেই প্ৰতিষেধক কেন্দ্ৰ সমূহত ৰাইজে ভিৰ কৰা পৰিলক্ষিত হৈছে ।
স্বাস্থ্য বিভাগে নিৰ্ধাৰণ কৰি দিয়া নিয়ম অনুসৰি প্ৰতিষেধকৰ বাবে আবেদন কৰিও প্ৰতিষেধকৰ সুবিধা লাভ কৰা নাই ডিব্ৰুগড়ৰ সাধাৰণ ৰাইজে । সেয়েহে সদৌ ডিব্ৰুগড় জিলা ছাত্ৰ সন্থাই ডিব্ৰুগড় জিলাৰ উপায়ুক্তক সাক্ষাৎ কৰি ক’ভিড-19 ৰ ভয়াৱহতাৰ প্ৰতি লক্ষ্য ৰাখি ডিব্ৰুগড়ত প্ৰদান কৰা ক’ভিড প্ৰতিষেধকৰ সংখ্যা বৃদ্ধি কৰাৰ লগতে আৰু প্ৰতিষেধক প্ৰদান কেন্দ্ৰৰ সংখ্যা বৃদ্ধি কৰাৰ বাবে স্মাৰকপত্ৰ প্ৰদান কৰে ৷ ছাত্ৰ সংন্থাৰ আহ্বানত গুৰুত্ব প্ৰদান কৰি প্ৰতিষেধক কেন্দ্ৰ বৃদ্ধি কৰাৰ বাবে আশ্বাস দিছে উপায়ুক্ত গৰাকীয়ে ।
