ডিব্ৰুগড়, 18 মে' : লকডাউনৰ মাজতেই ডিব্ৰুগড়ত সংঘটিত হয় অঘটন ৷ প্ৰাক্তন এছএছবি জোৱানৰ দ্বাৰা সংঘটিত গুলিচালনাত নিহত হয় নিজ পত্নীৰ লগতে এগৰাকী সম্পৰ্কীয় ব্যক্তি ৷ কি কাৰণত এই ঘটনা সংঘটিত হ'ল সেয়া জানিব পৰা হোৱা নাই যদিও আৰক্ষীয়ে অভিযুক্ত ব্যক্তিজনক বিচাৰি অভিযান আৰম্ভ কৰিছে ৷
ডিব্ৰুগড়ত প্ৰাক্তন এছএছবি জোৱানৰ গুলিচালনা !
প্ৰাক্তন এছএছবি জোৱান, সঞ্জয় দাসে সংঘটিত কৰে এই গুলিচালনা ৷ পইন্ট 32 পিষ্টলৰ দ্বাৰা ব্যক্তিজনে গুলিওৱাৰ ফলত নিহত হয় পত্নী স্বপ্না দাস আৰু সম্পৰ্কীয় ঘনকান্ত হাজৰিকা নাম ব্যক্তিগৰাকী ৷ ডিব্ৰুগড়ৰ আৰক্ষী অধীক্ষকে প্ৰকাশ কৰা অনুসৰি, অভিযুক্ত সঞ্জয় দাসৰ বিৰুদ্ধে চাকৰি কালটো বন্দুক লৈ পলায়ন কৰাৰ অভিযোগ আছিল ৷ ইতিমধ্যে ডিব্ৰুগড় আৰক্ষীয়ে অভিযুক্ত সঞ্জয় দাসক বিচাৰি বৃহৎ হাৰে তালাচী অভিযান আৰম্ভ কৰিছে ৷
