মৰাণ, 8 জুন : গৰাখহনীয়াত ঘৰ, ভেঁটি-মাটি সকলো হেৰুৱাই সৰ্বস্বান্ত হৈ জীয়াই থকাৰ বাবে এডোখৰ নিৰাপদ ঠাই বিচাৰি ৰাজপথত মাহজোৰা আন্দোলন কৰিছিল ডিব্ৰুগড়ৰ চাবুৱা সমষ্টিৰ দধিয়াৰ ৰাইজে । বিগত বৰ্ষত পুনঃসংস্থাপনৰ প্ৰতিবাদ কৰি তিনিচুকীয়া জিলাৰ উপায়ুক্ত কাৰ্যলয়ৰ সমীপত এগৰাকী গৰ্ভৱতী মহিলা আৰু এজন যুৱকে মৃত্যুক সাবটি ল'বলগীয়া হৈছিল ।
গৰাখহনীয়াত সৰ্বস্বান্ত দধিয়াৰ ৰাইজক পাহৰিলে চৰকাৰে
প্ৰতিবাদস্থলীলৈ আহিছিল চৰকাৰৰ মন্ত্ৰী বিধায়ক, দল-সংগঠনৰ প্ৰতিনিধি । চৰকাৰে কমিটী গঠন কৰি দধিয়া ৰাইজক পুনৰ সংস্থাপনৰ ব্যৱস্থা কৰা হ'ব বুলি প্ৰতিশ্ৰুতি দিছিল । কিন্তু চৰকাৰে দিয়া প্ৰতিশ্ৰুতিৰ বহু মাহ পাৰ হ'ল । ৰাজ্যত নতুন চৰকাৰ গঠন হ'ল । কিন্তু নৈ পৰীয়া দধিয়াবাসী কেনে আছে খবৰ ল'বলৈ কাৰোৰে সময় নহ'ল ।
