মৰাণ, 27 আগষ্ট: দেওবাৰে অৰ্থাৎ ২৮ আগষ্টত ৰাজ্যজুৰি অনুষ্ঠিত হ'ব তৃতীয় বৰ্গৰ পদৰ বাবে নিযুক্তি পৰীক্ষা(Assam Direct Recruitment Exam for Grade III) । ২১ আগষ্টত চতুৰ্থ বৰ্গৰ পদৰ বাবে নিযুক্তি পৰীক্ষা শান্তিপূৰ্ণভাৱে অনুষ্ঠিত হোৱাৰ পাছত কাইলৈ অৰ্থাৎ দেওবাৰে পুৱাৰ পৰা ইন্টাৰনেট সেৱা বন্ধ কৰি ৰাজ্য চৰকাৰে অনুষ্ঠিত কৰিব তৃতীয় বৰ্গৰ পদৰ নিযুক্তি পৰীক্ষা । ৰাজ্যৰ বিভিন্ন প্ৰান্তৰ দৰে চৰাইদেউ জিলা মৰাণতো ইতিমধ্যে তিনিটাকৈ কেন্দ্ৰ সাজু কৰি তুলিছে প্ৰশাসনে ।
মৰাণ উচ্চতৰ মাধ্যমিক বিদ্যালয়, মৰাণ মহাবিদ্যালয় আৰু মৰাণ মহিলা মহাবিদ্যালয় এই কেন্দ্ৰ তিনিটাত প্ৰায় ছয় হাজাৰ পৰীক্ষাৰ্থীয়ে দিব পৰীক্ষা(Assam recruitment exam 2022) ৷ নিযুক্তি পৰীক্ষাৰ বাবে প্ৰস্তুত সম্পূৰ্ণ কৰি তোলা হৈছে পৰীক্ষা কেন্দ্ৰ তিনিটাত । ইয়াৰে মৰাণ উচ্চতৰ মাধ্যমিক বিদ্যালয় আৰু মৰাণ মহাবিদ্যালয়ত পুৱা আৰু বিয়লি দুটা সময়ত অনুষ্ঠিত হ'ব পৰীক্ষা ।
পৰীক্ষা কঠোৰ সতৰ্কতাৰে আৰু পৰীক্ষাৰ সময়ত কোনো অশুভ ঘটনা সংঘটিত হ’ব নোৱাৰে তাৰ প্ৰতি গুৰুত্ব প্ৰদান কৰিছে কেন্দ্ৰকেইটাৰ দায়িত্বত থকা বিষয়াসকলে(Strict measures for Assam recruitment exam) । ৰাজ্য চৰকাৰে নিৰ্ধাৰণ কৰি দিয়া সকলো নীতি নিৰ্দেশনাৰ মাজত মৰাণৰ তিনিটাও কেন্দ্ৰতে পৰীক্ষা অনুষ্ঠিত হ'ব বুলি জানিবলৈ দিয়ে বিষয়াসকলে ।
লগতে পঢ়ক: অসম চৰকাৰৰ নিযুক্তি পৰীক্ষাৰ বাবে শোণিতপুৰত 144 ধাৰা
