মৰাণ, 25 অক্টোবৰঃ ডিব্ৰুগড় জিলাৰ জকাই মহমাৰী ঘগৰা গাঁৱৰ যুৱক ধনপোনা মেছে মীন পালনৰ কাম আৰম্ভ কৰি স্বাৱলম্বী হোৱাৰ লগতে নিবনুৱা সকলক দেখুৱাইছে কৰ্মৰ এক নিদৰ্শন ।
উল্লেখ্য যে, কৰ'ণা মহামাৰীৰ বাবে ৰাজ্যৰ বাহিৰত কৰ্ম সংস্থাপিত যুৱক এতিয়া গৃহমুখী হৈ হতাশাত ভুগিবলগীয়া হৈছে । ঠিক এনে সময়তে ধনপোনা মেছে প্ৰায় দহবিঘা ভূমিত পুখুৰী খান্দি মৎস্য পালনেৰে স্বাৱলম্বিতাৰ পথ প্ৰশস্ত কৰিছে । লগতে আন নিৱনুৱা সকলকো অৰ্থ উপাৰ্জনৰ বাবে অন্য ৰাজ্যলৈ ঢাপলি মেলাৰ সলনি নিজৰ বাকৰি মাটিতে কৃষি কৰ্মৰ যোগেদি বিপ্লৱৰ সূচনা কৰিবলৈ আহ্বান জনায় । মাত্ৰ এবিঘা মাটিত ফিচাৰী খান্দি মৎস্য পালনৰ কাম কৰা ধনপোনাই এতিয়া দহ বিঘা পৰ্যন্তলৈ বৃদ্ধি কৰি একাগ্ৰতাৰ এক নিদৰ্শন দাঙি ধৰিছে । কিন্তু চৰকাৰ ফালৰ পৰা এতিয়ালৈ কোনো ধৰণৰ সহায় পোৱা নাই বুলি সাংবাদিকৰ আগত মন্তব্য কৰে ।
লগতে পঢ়ক- নেৰানেপেৰা বৰষুণে ম্লান পেলাইছে দুৰ্গা পূজাৰ উচ্ছাহ-উদ্দীপনা
