মৰাণ, 4 জুনঃ দেশৰ ৰাজহুৱা খণ্ডৰ লাভজনক উদ্যোগ প্ৰতিষ্ঠান অইল ইণ্ডিয়া লিমিটেড দ্বিতীয়বাৰৰ বাবে চাইবাৰ আক্ৰমণৰ বলি হৈছে (Cyber criminal again attack Oil India Limited) । উল্লেখযোগ্য যে ইয়াৰ পূৰ্বে ১০ এপ্ৰিলত হেকাৰে অইল ইণ্ডিয়াৰ ৱেবচাইট হেক কৰি অইলৰ বহুসংখ্যক কম্পিউটাৰ অচল কৰি পেলাইছিল ।
ইয়াৰ পিছতে এই বৃহৎ প্ৰতিস্থানটোত হাহাকাৰ পৰিবেশৰ সৃষ্টি হৈছিল । এইবাৰ সামাজিক মাধ্যমৰ জড়িয়তে পেজ খুলি সাধাৰণ জনতাৰ বেংক একাউন্টৰ পৰা ধন সৰকোৱাৰ ফন্দি পাতিছে চাইবাৰ চক্ৰটোৱে ।
এই চক্ৰটোৱে বিভিন্নজনক অইলৰ নামত কেতবোৰ মেছেজ প্ৰেৰণ(Cyber criminal group send messages by the name of Oil India) কৰি ধনৰ প্ৰলোভন দিয়া বুলিও জানিব পৰা গৈছে । এই সমগ্ৰ বিষয়টো অইল ইণ্ডিয়া কৰ্তৃপক্ষই জানিব পাৰি দুলীয়াজান আৰক্ষী থানাত ইতিমধ্যে এক গোচৰ ৰুজু কৰিছে । ৰাইজকো এই চক্ৰৰ প্ৰলোভনত ভৰি নিদিবলৈ আহ্বান জনাইছে অইল ইণ্ডিয়া কৰ্তৃপক্ষই ।
লগতে পঢ়ক: অৰণ্য মানৱৰ 'আধাৰ কাৰ্ড' নাই কিয় ?
