ধুবুৰী, 23 আগষ্ট: দক্ষিণ শালমাৰা মানকাচৰ জিলাৰ অসম মেঘালয় সীমান্তৰ এখন গাঁৱৰ এনে জৰাজীৰ্ণ বাট পথে দীৰ্ঘদিনে জ্বলাকলা খুৱাই আহিছে ৰাইজক । মানকাচৰৰ অসম মেঘালয় সীমান্তৰ উন্নয়নত গুৰুত্ব নাই বিধায়ক ডাঃ মতিয়ৰ ৰহমান মণ্ডলৰ ।
মানকাচৰৰ অসম মেঘালয় সীমান্ত ধানুৱা গাঁও পঞ্চায়তৰ দৃশ্য এয়া । পুখুৰী সদৃশ বাটপথৰ বাবে ব্যাহত হৈ পৰিছে একপ্ৰকাৰ ৰাইজৰ যাতায়ত । এইক্ষেত্ৰত গুৰুত্ব নাই বিধায়ক মতিয়ৰ ৰহমান মণ্ডল আৰু জিলা প্ৰশাসনৰ ।
পৰিৱৰ্তন কামী চৰকাৰৰ দিনতো দীৰ্ঘদিনীয়া এনে বাটপথৰ জ্বলন্ত সমস্যাই অতিষ্ঠ কৰি তুলিছে গাঁওবাসীক । স্থানীয় কংগ্ৰেছী বিধায়ক ডাঃ মতিউৰ ৰহমান মণ্ডলৰ ভুমিকাক লৈ ক্ষোভ স্থানীয় ৰাইজৰ ।
অসম মেঘালয় সীমান্তৱৰ্তী গাঁৱখনৰ ৰাইজৰ বহিঃবিশ্বৰ সৈতে যোগাযোগৰ এইখন একমাত্ৰ পথ মেৰামতিৰ বাবে দীৰ্ঘদিনে দাবী কৰি আহিছে যদিও ৰাইজৰ দাবীৰ প্ৰতি গুৰুত্ব নাই চৰকাৰ,প্ৰশাসন আৰু জনপ্ৰতিনিধিৰ । এতিয়া চৰকাৰ আৰু জিলা প্ৰশাসনে এইক্ষেত্ৰত কি ব্যৱস্থা গ্ৰহণ কৰিব সেয়াই লক্ষ্যণীয় বিষয় হৈ পৰিছে ।
লগতে চাওক-বিধ্বস্ত পথৰ বাবে জীয়াতু ভুগিছে বঢ়মপুৰ সমষ্টিৰ নিজকামপুৰবাসীয়ে
