ধুবুৰী,18 এপ্ৰিল: ধুবুৰী জিলাৰ বিভিন্ন প্ৰান্তত চোৰাং চাউলৰ ৰমৰমীয়া বেহা অব্যাহত । সোণাহাটত বৃহৎ পৰিমাণৰ চোৰাং চাউল ভৰ্তি এখন ট্ৰাক জব্দ কৰে আৰক্ষীয়ে । পাগলাহাট আৰক্ষীৰ অভিযানত সোণাহাট বজাৰৰ পৰা আৰক্ষীয়ে ট্ৰাকসহ চোৰাং চাউলখিনি জব্দ কৰা বুলি জানিব পৰা গৈছে ।
ধুবুৰীত চোৰাং চাউল ভৰ্তি ট্ৰাক জব্দ
জব্দ কৃত ট্ৰাকখনৰ পৰা প্ৰায় ১২০০ বস্তা চাউল উদ্ধাৰ কৰা হৈছে ৷ পশ্চিমবংগৰ পৰা আসাদ নামৰ ব্যৱসায়ীজনে WB 78 4350 নম্বৰৰ ট্ৰাকখনেৰে সোণাহাট বজাৰৰ এক গোপন স্থানত চাউলখিনি ৰাখিছিল বুলি আৰক্ষীয়ে জানিবলৈ দিয়ে ৷ উল্লেখ্য যে, পাগলাহাট আৰক্ষীয়ে গোপন খবৰৰ ভিত্তিত ঘটনাস্থলীত উপস্থিত হৈ চাউলসহ ট্ৰাকখন জব্দ কৰে ৷
লগতে পঢ়ক : আজি বিশ্ব ঐতিহ্য দিৱস
