বিলাসীপাৰা 19 মাৰ্চ : সমাগত বি টি চি পৰিষদীয় নিৰ্বাচনত কংগ্ৰেছ হ'ব কিং মেকাৰ ৷ কংগ্ৰেছৰ সমৰ্থন অবিহনে কোনো এটা দলেও পৰিষদ গঠন কৰিব নোৱাৰে ৷ এই মন্তব্য প্ৰাক্তন মন্ত্ৰী তথা বিৰোধী দলৰ উপ দলপতি ৰকিবুল হুছেইনৰ ৷ বুধবাৰে নিশা প্ৰায় দহ মান বজাত বিলাসীপাৰাৰ সোণামুখীত উপস্থিত হৈ এই দৰে মন্তব্য কৰে কংগ্ৰেছ নেতা গৰাকীয়ে ৷ বি টি চি পৰিষদীয় নিৰ্বাচনৰ মনোনয়ন পত্ৰ দাখিলৰ অন্তিমটো দিনত কেইবাটাও সমষ্টিৰ মনোনয়ন পত্ৰ দাখিল পৰ্বত অংশ গ্ৰহণ কৰে ৰকিবুল হুছেইনে ৷
পূৱ বিলাসীপাৰাৰ যুৱ কংগ্ৰেছী নেতা তথা অসম প্ৰদেশ কংগ্ৰেছ কমিটীৰ সম্পাদক অমৃত বাদশ্বাহৰ বাসগৃহত উপস্থিত হৈ দলীয় সতীৰ্থৰ সৈতে মত বিনিময় কৰা দেখিবলৈ পোৱা যায় | সাংবাদিকৰ আগত নেতা গৰাকীয়ে কয় আগন্তুক ২০২১ ৰ নিৰ্বাচনত ৰাজ্যত 'কা' বিৰোধী শক্তি একত্ৰিত হৈ বিজেপিক অসমৰ পৰা উৎখাত কৰিব ৷ কংগ্ৰেছৰ নেতৃত্বত গঠন হ'ব এখন শক্তিশালী চৰকাৰ ৷
লগতে পঢকঃ শিষ্যৰ চিকিৎসাৰ বাবে আৰ্থিক সাহায্য বিচাৰি আগবাঢ়ি আহিল শিক্ষক
