বিলাসীপাৰা, 31 মে': বিগত ২০০৯-১০ বৰ্ষত অসম চৰকাৰে অনুষ্ঠিত কৰা অসম আৰক্ষীৰ এ বি কনিষ্টবল পদৰ বাছনি পৰীক্ষাত উৰ্ত্তীৰ্ণ হোৱা অসমৰ তিনিশ প্ৰাৰ্থীয়ে সম্প্ৰতি হতাশাত ভুগিছে । উক্ত পদত উত্তীৰ্ণ প্ৰাৰ্থী সকলোক বিগত ১১ বছৰে নিযুক্তিৰ নামত বঞ্চিত কৰি আহিছে |
যাৰ বাবে বঞ্চিত প্ৰাৰ্থী সকলে গুৱাহাটী উচ্চ ন্যায়ালয়ৰ দ্বাৰস্থ হৈছিল | সম্পূৰ্ণ ৯ বছৰ পিছত উচ্চ ন্যায়ালয়ে প্ৰাৰ্থী সকলক এমাহৰ ভিতৰত নিযুক্তি দিয়াৰ ৰায়দান কৰে |
কিন্তু ইয়াৰ পিছতো আজিলৈ লাভ নকৰিল চাকৰিত যোগদান পত্ৰ । যিহেতু এইবাৰ নতুন চৰকাৰ গঠন হ'ল আৰু মুখ্যমন্ত্ৰী ড৹ হিমন্ত বিশ্ব শৰ্মাই ৰাজ্যৰ একলাখ নিৱনুৱাক নিযুক্তি দিয়াৰ বাবে ঘোষণা প্ৰকাশ কৰিছে ।
তেনে ক্ষেত্ৰত এক লাখ নিৱনুৱাক নিযুক্তিৰ ভিতৰত যেন এইসকল অসম আৰক্ষীৰ এ বি কনিষ্টবল পদত বাছনি হোৱা প্ৰাৰ্থী সুযোগ পায় তাৰ বাবে চৰকাৰলৈ কাতৰ অনুৰোধ কৰে । উল্লেখযোগ্য যে, এই ক্ষেত্ৰত নৱ নিৰ্বাচিত চৰকাৰ খনে হতাশাহত ভুগি থকা প্ৰাৰ্থী সকলৰ নিযুক্তিৰ ক্ষেত্ৰত কি পদক্ষেপ গ্ৰহন কৰিব সেয়া লক্ষ্যণীয় হ’ব ।
লগতে পঢ়ক : চিকিৎসালয়ত ভৰ্তি কৰোৱা ক’ভিড ৰোগীৰ মৃতদেহ ফুটপাতত উদ্ধাৰ
