নতুন দিল্লী , 28 জুলাই : দেশৰ ৰাজধানী চহৰ দিল্লীত পুনৰ বৃদ্ধি পালে সোণৰ মূল্য় ৷ সোমবাৰে দিল্লীৰ বজাৰত সোণৰ মূল্যত 905 টকাৰ বৃদ্ধি দেখিবলৈ পোৱা যায় ৷ ইয়াৰ লগে-লগে বৰ্তমানে 10 গ্ৰাম সোণৰ মূল্য হৈছে গৈ 52,960 টকা ৷ এইজডিএফচি চিকিউৰিটিয়ে প্ৰদান কৰিছে এই তথ্য ৷ ইয়াৰ পূৰ্বে 10 গ্ৰাম সোণৰ মূল্য আছিল 52,055 টকা ৷
আনহাতে ৰূপৰ মূল্যটো দেখা পোৱা গৈছে বৃহৎ উত্থানৰ ৷ সোমবাৰে 3,347 টকাৰ বৃদ্ধিৰে প্ৰতি কিলোগ্ৰামত ৰূপৰ মূল্য হৈছে 65,670 টকা ৷ শুকুৰবাৰে ইয়াৰ মূল্য আছিল প্ৰতি কিলোগ্ৰামত 62,323 টকা ৷
এইছডিএফচি চিকিউৰিটিৰ জ্যেষ্ঠ বিশ্লেষক তপন পটেলে সোমবাৰে দিল্লীত 24 কেৰেট সোণৰ মূল্যত 905 টকাৰ বৃদ্ধি হোৱাৰ কথা উল্লেখ কৰে । আনহাতে, আন্তঃৰাষ্ট্ৰীয় বজাৰত প্ৰতি আউন্সত সোণৰ মূল্য 1,935 মাৰ্কিন ডলাৰ হোৱাৰ বিপৰীতে ৰূপৰ প্ৰতি আউন্সত বৰ্তমানৰ মূল্য হৈছে 24 মাৰ্কিন ডলাৰ ৷