অনুজ আগৰৱাল ভাৰতীয় বিমানবন্দৰ প্ৰাধিকৰনৰ অধ্যক্ষ নিৰ্বাচিত

ভাৰতীয় বিমানবন্দৰ প্ৰাধিকৰণৰ নতুন অধ্যক্ষৰূপে দায়িত্বভাৰ গ্ৰহণ কৰিছে অনুজ আগৰৱালে ৷ কেন্দ্ৰীয় অসামৰিক বিমান পৰিবহন মন্ত্ৰালয়ে প্ৰকাশ কৰিছে এই তথ্য ৷

নিউজ ডেস্ক, 1 আগষ্টঃ কেন্দ্ৰীয় অসামৰিক বিমান পৰিবহন মন্ত্ৰালয়ে দেশৰ বিমানবন্দৰ প্ৰাধিকৰনৰ নতুন অধ্যক্ষৰূপে দায়িত্বভাৰ গ্ৰহণ কৰিছে অনুজ আগৰৱালে ৷ ভাৰতীয় বিমানবন্দৰ প্ৰাধিকৰণৰ অধ্যক্ষ ডঃ গুৰুপ্ৰসাদ মহাপাত্ৰৰ অৱসৰৰ পিচতেই বিভাগটোৰ মানৱ সম্পদ উন্নয়ন গোটৰ জ্যেষ্ঠ বিষয়াগৰাকী অধ্যক্ষৰ দায়িত্ব প্ৰদান কৰা হয় ৷

কেন্দ্ৰীয় অসামৰিক বিমান পৰিবহন মন্ত্ৰালয়ে প্ৰকাশ কৰা অধিসূচনা অনুসৰি, 31 জুলাই অৱসৰ লোৱা প্ৰাধিকৰনৰ অধ্যক্ষ ডঃ গুৰুপ্ৰসাদ মহাপাত্ৰৰ ঠাইত পৰৱৰ্তী নিৰ্দেশ নহালৈকে তিনিমাহৰ বাবে অনুজ আগৰৱালক অধ্যক্ষ নিযুক্ত কৰা হৈছে ৷ ডিচেম্বৰ 2014ত ভাৰতীয় বিমানবন্দৰ প্ৰাধিকৰণৰ সৈতে জড়িত হৈছিল অনুজ আগৰৱাল ৷ বিটছ পিলানীৰ পৰা অভিযান্ত্ৰিকতাৰ শিক্ষাগ্ৰহণ কৰা আগৰৱাল 25বছৰটোকৈয়ো অধিক কাল বিমান পৰিবহন খণ্ডত কাম কৰাৰ অভিজ্ঞতাৰে পুষ্ট ৷