কৰিমগঞ্জ, 6জুন: শিক্ষাখণ্ডত ন-ন- কৌশলে শিক্ষাৰ মূল নহয়, শিক্ষা গ্ৰহণ কৰাৰ বাবে সকলো শিক্ষাৰ্থীকে এক সুস্থিৰ পৰিৱেশৰো প্ৰয়োজন হয় । তাৰেই যেন নিদৰ্শন দাঙি ধৰিলে দক্ষিণ কৰিমগঞ্জ শিক্ষাখণ্ডৰ অন্তৰ্গত 922 নং শিশু কল্যাণ নিম্ন প্ৰাথমিক বিদ্যালয়ৰ দুগৰাকী শিক্ষয়ত্ৰীয়ে । শিক্ষক দুগৰাকীৰ নাম যুথিকা ৰুদ্ৰপাল আৰু অৰ্পিতা নাথ । দেওবাৰে দুয়োগৰাকী শিক্ষয়ত্ৰীয়ে বিদ্যালয়খনৰ কোঠাৰ দেৱালত ৰং দি বিদ্যালয়খনত এক শৈক্ষিক বাতাবৰণৰ সৃষ্টি কৰি তুলিলে ।
উল্লেখযোগ্য যে, বিদ্যালয়খনত এটা শ্ৰেণী কোঠাৰ পৰিৱৰ্তে ছাত্ৰ-ছাত্ৰী সংখ্যা 135গৰাকী । আঠ গৰাকী শিক্ষক-শিক্ষয়ত্ৰীৰ মাজৰে ছয় গৰাকী হৈছে মহিলা শিক্ষয়ত্ৰী । যি সময়ত চৰকাৰী বিদ্যালয়ত ৰাজ্য চৰকাৰে অৱলম্বিত কৰা ন-ন নিয়মক লৈ প্ৰশ্ন উত্থাপন হৈছে,সেই সময়তে দক্ষিণ কৰিমগঞ্জৰ শিক্ষয়ত্ৰী দুগৰাকীয়ে দাঙি ধৰা কৰ্মৰ উৎকৃষ্ট নিদৰ্শনে সকলোকে আপ্লুট কৰিছে । ইতিমধ্যেই শিক্ষয়ত্ৰী দুগৰাকীৰ এই কৰ্ম যথেষ্ট চৰ্চিত হৈ পৰিছে চ'ছিয়েল মিডিয়াতো ।
