চিৰাং, ১১ নৱেম্বৰ: বিটিচিৰ পৰিষদীয় নিৰ্বাচনৰ পূৰ্বে চিৰাঙত আৰক্ষীৰ বৃহৎ সফলতা । আৰক্ষী আৰু চিআৰপিএফৰ যৌথ অভিযানত ভাৰত-ভূটান সীমান্তত পুতি থোৱা অৱস্থাত উদ্ধাৰ বৃহৎ পৰিমানৰ সজীৱ গুলি ৷ বুধবাৰে বিয়লি প্ৰায় ৪ বজাত চিৰাং জিলা আৰক্ষী অধিক্ষকৰ কাৰ্য্যালয়ত আয়োজিত এক সংবাদমেলত জিলা আৰক্ষী অধিক্ষক সুধাকৰ সিঙে জনায় যে, বিশেষ সূত্ৰৰ তথ্যৰ ভিত্তিত চিৰাং জিলাৰ আমগুৰি থানাৰ অন্তৰ্গত ভাৰত-ভূটান সীমান্তৰ ১ নং গৌজোনপুৰীৰ পৰা আৰক্ষীয়ে কেইবা ঠাইতো গাঁত কৰি তালাচি চলোৱাৰ পিচত এঠাইৰ পৰা এইখিনি সজীৱ গুলি উদ্ধাৰ হয় ।
উদ্ধাৰ হোৱা ৭৯২ টা সজীৱ গুলিৰ ভিতৰত ৫৬১ টা ৭.৬২ এম এমৰ আৰু ৩২১ টা সজীৱ গুলি ৫.৫৬ এমএমৰ সজিৱ গুলি । বিটিচি নিৰ্বাচনত অশান্তিকৰ পৰিস্থিতিৰ সৃষ্টি কৰিবলৈ এই সমূহ সজীৱ গুলি লুকুৱাই থোৱাৰ সন্দেহ কৰা হৈছে । যদিও আৰক্ষীয়ে এই বিষয়ে সতৰ্কতাৰে ধাৰাবাহিক অভিযান অব্যাহত ৰখাৰ ফলতে কিছুদিন পুৰ্বে দুবাৰকৈ মাৰনাস্ত্ৰ জব্দ কৰিবলৈ সক্ষম হৈছিল । এই গুলি সমূহ জিলাখনত কিছুদিনৰ পুৰ্বলৈকে সক্ৰিয় হৈ থকা উগ্ৰপন্থী সংগঠন সমূহৰ হ'ব পাৰে বুলি আৰক্ষীয়ে সন্দেহ প্ৰকাশ কৰিছে।
লগতে পঢ়ক : ঐতিহাসিক আউনীআটী সত্ৰত 5 দিনীয়া পালনাম মহোৎসৱ
