বিশ্বনাথ,১১মে' : শনিবাৰে গ্ৰীণ আছিয়ানা পৰিয়ালে বিশ্বনাথত গ্ৰহণ কৰে এক ব্যতিক্ৰমী কাৰ্যসূচিৰ । গ্ৰীন আচিয়ানা ৱেলফাৰ চ'চাইটিৰ সৌজ্যনত বিশ্বনাথত আয়োজন কৰা হয় এক বৃক্ষৰোপন কাৰ্যসূচীৰ । বিশ্বনাথ চাৰিআলি পৰা বিশ্বনাথ ঘাটলৈ যোৱা পথত বৃক্ষৰোপনৰ জৰিয়তে ৰোপণ কৰা হয় প্ৰায় ১০০০ গছপুলি ।
বিশ্বনাথত গ্ৰীণ আছিয়ানা পৰিয়ালৰ বৃক্ষৰোপণ
উল্লেখ যে, বিশ্বনাথত পথ নিৰ্মাণৰ বাবে পথটোৰ দাঁতিত থকা বহু পৰিমাণৰ গছ কটা হৈছিল । যাৰ বাবে অঞ্চলবাসীয়ে সামাজিক দায়বদ্ধতাৰ প্ৰতি লক্ষ্য ৰাখি পথটোত ৰোপণ কৰা হয় বহু গছপুলি । এই শুভ মুহুৰ্তত উপস্থিত থাকে বিশ্বনাথৰ জিলা উপায়ুক্ত পৱিত্ৰ ৰাম খাউণ্ডৰ লগতে বিশ্বনাথ সমষ্টিৰ বিধায়ক প্ৰমোদ বৰঠাকুৰ, বিশ্বনাথ বন সংমণ্ডল প্ৰাধিকাৰী লগতে বিশ্বনাথৰ বিশিষ্ট সমাজকৰ্মী অকন শইকীয়া আৰু বহু কেইজনবাজনো বিশিষ্ট ব্যক্তি । গ্ৰীণ আছিয়ানা পৰিয়ালৰ এই পদক্ষেপক শলাগ জনায় বিশ্বনাথ ৰাইজে ।
