কোভিড-১৯ ত আক্ৰান্ত অখিল গগৈ

কোভিড-১৯ ত আক্ৰান্ত হ'ল কৃষক মুক্তি সংগ্ৰাম সমিতিৰ উপদেষ্টা অখিল গগৈ ৷ গুৱাহাটী কেন্দ্ৰীয় কাৰাগাৰত আছে অখিল গগৈ ৷ তেওঁৰ উপৰিও আক্ৰান্ত হৈছে দুই নেতা বিতু সোণোৱাল আৰু ধৈৰ্য কোঁৱৰ ৷ তেওঁলোকক গুৱাহাটী চিকিৎসা মহাবিদ্যালয়লৈ প্ৰেৰণ ৷

গুৱাহাটী, ৯ জুলাইঃ কোভিড-১৯ত আক্ৰান্ত হৈছে কৃষক মুক্তি সংগ্ৰাম সমিতিৰ উপদেষ্টা অখিল গগৈ ৷ বৰ্তমান গুৱাহাটী কেন্দ্ৰীয় কাৰাগাৰতে আছে গগৈ ৷ তেওঁৰ উপৰিও আক্ৰান্ত হৈছে কৃষক মুক্তিৰে দুই নেতা বিতু সোণোৱাল আৰু ধৈৰ্য কোঁৱৰ ৷ কাৰাগাৰত আৱদ্ধ হৈ থকা অৱস্থাতে তেওঁলোকৰ দেহত ধৰা পৰা কোভিড-19 ৰ অৱস্থিতি ৷

কোভিড-১৯ ত আক্ৰান্ত বিতু সোণোৱাল আৰু ধৈৰ্য কোঁৱৰ

নাগৰিকত্ব সংশোধনী আইন বিৰোধী আন্দোলনত গ্ৰেপ্তাৰ হোৱা এই নেতাকেইগৰাকী কাৰাগাৰতে অসুস্থ হৈ পৰিছিল ৷ ইয়াৰ পাছতে স্বাস্থ্য বিভাগৰ লোকে আটাইকেইগৰাকী কাৰাবন্দীৰ স্বাৱ পৰীক্ষা কৰিছিল ৷ পৰবৰ্তী সময়ত বিতু সোণোৱাল আৰু ধৈৰ্য কোঁৱৰৰ পাচতে অখিল গগৈৰো পজিটিভ লাভ কৰা বুলি জানিব পৰা গৈছে ৷ ইতিমধ্যে বিতু সোণোৱাল আৰু ধৈৰ্য কোঁৱৰক চিকিৎসাৰ বাবে গুৱাহাটী চিকিৎসা মহাবিদ্যালয়লৈ প্ৰেৰণ কৰা হৈছে যদিও কাৰাগাৰতে আছে অখিল গগৈ ৷

কোভিড-১৯ ত আক্ৰান্ত বিতু সোণোৱাল আৰু ধৈৰ্য কোঁৱৰ

লগতে পঢ়ক : শ্ৰীমন্ত শংকৰদেৱ সংঘৰ প্ৰধান সম্পাদক বাবুল বৰাৰ সৈতে EXCLUSIVE সাক্ষাৎকাৰ