আন্ধেৰীঘাটৰ কৃতী ছাত্ৰ নিলোৎপলক কল্যাণী সমবায় সমিতিৰ আৰ্থিক সাহাৰ্য

আন্ধেৰীঘাটৰ কৃতী ছাত্ৰ নিলোৎপলক শিক্ষা গ্ৰহণৰ বাবে কল্যাণী সমবায় সমিতিৰ আৰ্থিক সাহাৰ্য প্ৰদান

ওদালগুৰি, 8 জুন : দৰিদ্ৰতাক নেওচি চমকপ্ৰদ ফলাফল দেখুৱালে ওদালগুৰিৰ এজন ছাত্ৰ নিলোৎপল চহৰীয়াই ৷ ওদালগুৰি জিলাৰ সাৰেং গাঁওৰ বাসিন্দা নিলোৎপল চহৰীয়া ৷ চৰম দৰিদ্ৰতাৰ মাজতো অত্যন্ত পৰিশ্ৰম কৰি সদ্য ঘোষিত উচ্চতৰ মাধ্যমিকৰ চূড়ান্ত পৰীক্ষাৰ কলা শাখাত বিষ্ণুজ্যোতি মহাবিদ্যালয়ৰ পৰা ৮৬ শতাংশ নম্বৰ লাভ কৰি মেধাৰ পৰিচয় দাঙি ধৰে ওদালগুৰিৰ এইজন ছাত্ৰই ৷

আজি কল্যাণী সমবায় সমিতিৰ তৰফৰ পৰা ছাত্ৰ জনক ৰাজহুৱাকৈ সম্বৰ্ধনা জনোৱা হয় ৷ লগতে উচ্চ শিক্ষাৰ বাবে ছাত্ৰজনক সমিতিখনৰ ফালৰ পৰা আৰ্থিক সাহাৰ্যও প্ৰদান কৰা হয় ৷ পঞ্চায়ত আৰু গ্ৰামোন্নয়ন বিভাগৰ কৰ্মচাৰী ৰমেন চহৰীয়াই উদ্বোধন কৰা অনুষ্ঠানখনি আঁত ধৰে ৰিংকুমণি নাথে ৷