নেশ্যনেল ডেস্ক,26 এপ্ৰিল: প্ৰচণ্ড তুষাৰপাতে আৱৰি ধৰিছে উত্তৰাখণ্ডক ৷ তিনিদিনীয়া প্ৰচণ্ড বৰষুণ আৰু তুষাৰপাতৰ পাচতে দেওবাৰে বদ্ৰীনাথৰ মূল মন্দিৰত দেখিবলৈ পোৱা গ'ল শুকুলা বৰফৰ আচ্ছাদনৰ মনোমোহা দৃশ্য ৷ বদ্ৰীনাথ ধামত 3 ফুটতকৈও ডাঠ বৰফৰ আৱৰণে আৱৰি ধৰাত তীৰ্থযাত্ৰীসকলো হৈ পৰিছে আৱদ্ধ ৷ ঘৰৰ চাল আৰু ওখ ওখ জোপোহা গছৰ ডালবোৰত লাগি ধৰা ডাৱৰৰ টুকুৰাবোৰে এক নৈসৰ্গিক দৃশ্যৰ সৃষ্টি কৰিছে ৷
উল্লেখ্য যে, বদ্ৰীনাথৰ উপৰিও তুংনাথ, মদমহেশ্বৰ আৰু কালিশিলা পাহাৰতো মধ্যমীয়া তুষাৰপাত হোৱাৰ লগতে পঞ্চচুলি আৰু নন্দা দেৱীকে ধৰি মুন্সিয়াৰীৰ উচ্চ হিমালয় অঞ্চলত প্ৰবল তুষাৰপাত হৈছে ।
লগতে পঢ়ক: ফটোগ্ৰাফী গেলেৰীত আজিৰ বিষয় : প্ৰকৃতি
