নেশ্যনেল ডেস্ক,7 ডিচেম্বৰঃ উত্তৰ প্ৰদেশৰ বলৰামপুৰ জিলাত পুনৰ সংঘটিত হৈছে ধৰ্ষণৰ ঘটনা ৷ জিলাখনৰ ৰাজপুৰ আৰক্ষী চকীৰ অন্তৰ্গত বগাডী গাঁৱত বিগত 20 নৱেম্বৰত এগৰাকী নাবালিকা নিখোজ হৈছিল ৷ এই সন্দৰ্ভত আৰক্ষী চকীত গোচৰ ৰুজু কৰাত তাৎক্ষণিকভাৱে আৰক্ষীয়ে নাবালিকা গৰাকীক বিচাৰি অভিযান আৰম্ভ কৰে ৷ আৰক্ষীয়ে নাবালিকা গৰাকীক উদ্ধাৰ কৰিবলৈ সক্ষম হয় য’ত বিগত 13 দিনত 8 জনকৈ লোকে নাবালিকা গৰাকীৰ সৈতে দলবদ্ধ ধৰ্ষণ কৰাৰ কথা ব্যক্ত কৰে ৷
নাবালিকাৰ অভিযোগৰ ভিত্তিত POSCO আইনৰ অধীনত আটইকেইজন অভিযুক্তকৰ বিৰুদ্ধে ইতিমধ্যে গোচৰ ৰুজু কৰা হৈছে ৷ আৰক্ষীয়ে ঘটনা সন্দৰ্ভত মন্তব্য কৰি কয়, বিগত 20 নৱেম্বৰত স্থানীয় গাঁৱৰ কিছু সংখ্যক লোকে এগৰাকী নাবালিকা নিৰুদ্দেশ হোৱাৰ অভিযোগ দাখিল কৰিছিল ৷ এই অভিযোগৰ ভিত্তিতে আৰক্ষীয়ে তাৎক্ষণিকভাৱে নাবালিকা গৰাকীক বিচাৰি অভিযান আৰম্ভ কৰে ৷ নাবালিকা গৰাকীক উদ্ধাৰ কৰাৰ পিছতে মহিলা বিষয়াৰে কথা পতাই দিয়া হয় ৷ য’ত নাবালিকা গৰাকীয়ে বিগত 13 দিনত 8 জনকৈ লোকে তেখেতৰ ওপৰত যৌন নিৰ্যাতন চলোৱা বুলি অভিযোগ উত্থাপন কৰে ৷ এই অভিযোগৰ ভিত্তিতে সম্প্ৰতি 2 জনকৈ লোকক আটক কৰা হৈছে ৷
