নেশ্যনেল ডেস্ক,১ ছেপ্টেম্বৰ : কেন্দ্ৰীয় মন্ত্ৰী কৌশল কিশোৰৰ পুত্ৰ বিকাশ কিশোৰৰ ঘৰত তেওঁৰ বন্ধুৰ মৃতদেহ উদ্ধাৰ হোৱাক লৈ চাঞ্চল্য অব্যাহত আছে । বিকাশ কিশোৰৰ বন্ধু বিনয় শ্ৰীবাস্তৱৰ মৃতদেহ উদ্ধাৰক লৈ বিভিন্ন মহলত প্ৰতিক্ৰিয়াৰো সৃষ্টি হৈছে । আনহাতে বিনয় শ্ৰীবাস্তৱৰ পৰিয়ালে অভিযোগ কৰিছে যে যেতিয়া বিকাশ কিশোৰে কোনো ঠাইলৈ গৈছিল তেওঁ বিনয়ক লগত লৈ গৈছিল । কিন্তু তেওঁ যেতিয়া দিল্লীলৈ গৈছিল তেতিয়া তেওঁ বিনয়ক কিয় লগত লৈ যোৱা নাছিল । কেৱল এয়াই নহয় অনুজ্ঞাপ্ৰাপ্ত থকা পিষ্টলটো ঘৰত কিয় এৰি গৈছিল সেই বিষয়েও প্ৰশ্ন কৰে বিনয়ৰ পৰিয়ালে । পৰিয়ালটোৱে বিকাশ কিশোৰৰ ওপৰতো সন্দেহ কৰিছে । বিনয় শ্ৰীবাস্তৱৰ মৰণোত্তৰ পৰীক্ষাৰ সময়ত মৰ্গত উপস্থিত থকা পৰিয়ালে বিকাশ কিশোৰৰ বিৰুদ্ধে কেইবাটাও গুৰুতৰ অভিযোগ উত্থাপন কৰিছে ।
বিনয়ৰ ভাতৃয়ে কোৱা মতে বিকাশ কিশোৰ আৰু বিনয় শ্ৰীবাস্তৱ একেলগে থাকে । কিন্তু দিল্লীলৈ যোৱাৰ সময়ত তেওঁলোকে প্ৰথমবাৰৰ বাবে বিনয়ক লৈ যোৱা নাছিল । বিনয়ৰ ভাতৃয়ে মৰণোত্তৰ পৰীক্ষাৰ ভিডিঅ'গ্ৰাফী কৰিব বিচাৰিছে কিন্তু চিকিৎসকে আশ্বাস দিছে যে সকলো ঠিকে থাকিব ।
বিনয় শ্ৰীবাস্তৱক বন্ধু তথা কেন্দ্ৰীয় মন্ত্ৰী কৌশল কিশোৰৰ পুত্ৰ বিকাশ কিশোৰৰ বাসগৃহত ৰহস্যজনক পৰিস্থিতিত মৃত অৱস্থাত উদ্ধাৰ কৰাৰ পাছত বিনয়ৰ পৰিয়ালে হত্যাৰ অভিযোগ উত্থাপন কৰিছে । একে সময়তে, কৌশল কিশোৰে কৈছে যে ঘটনাটোৰ সময়ত তেওঁৰ পুত্ৰ দিল্লীত আছিল । কৌশলে কয় যে ঘটনাস্থলীৰ পৰা পোৱা পিষ্টলটো তেওঁৰ পুত্ৰৰ । বিমানবন্দৰৰ পৰা দিল্লীলৈ যোৱাৰ বাবে পিষ্টলটো ঘৰত এৰি গৈছিল কিয়নো বিমানবন্দৰত পিষ্টল লৈ যোৱা নিষেধ । অৱশ্যে, পিষ্টলটো ঘটনাস্থলীত কেনেকৈ পোৱা গৈছিল সেয়া তদন্তৰ বিষয় বুলিও মন্ত্ৰীগৰাকীয়ে দাবী কৰে ।
আৰক্ষীয়ে ঘটনাটোৰ তদন্ত কৰি আছে । ইফালে, বিকাশ কিশোৰ আৰু বেচা লালৰ ফ্লাইট টিকট আৰু ফ্লাইটত একেলগে বহি থকা এখন ফটোও বিকাশ কিশোৰৰ বন্ধু বেচা লালৰ ম'বাইলৰ পৰা ফেচবুকৰ জৰিয়তে ভাইৰেল হৈ পৰিছে । এই পোষ্টটো বৃহস্পতিবাৰে সন্ধিয়া ৪:২৪ বজাত পোষ্ট কৰা হৈছিল । অৱশ্যে আৰক্ষীয়ে বিনয় শ্ৰীবাস্তৱক কোনে হত্যা কৰিছে আৰু কিয় হত্যা কৰিছে সেই বিষয়ে তদন্ত অব্যাহত ৰাখিছে ।
লগতে পঢ়ক :Woman rape and murdered: মহিলাক ধৰ্ষণ কৰি হত্যা কৰাৰ সন্দেহত এজন যুৱকক আটক
