নেশ্যনেল ডেস্ক, 22 মে’ : জম্মু-কাশ্মীৰ কেন্দ্ৰীয় শাসিত অঞ্চলৰ ৰাজধানী শ্ৰীনগৰত ২২ মে’ ত অৰ্থাৎ সোমবাৰে জি-২০ "পৰ্যটন কৰ্মী গোট"ৰ এখন বৈঠক আৰম্ভ হ'ব (G20 in Kashmir) । বৈঠকখন ২২ মে'ৰ পৰা ২৪ মেলৈ অব্যাহত থাকিব । অনুচ্ছেদ 370 বাতিল কৰাৰ পিছত প্ৰথমবাৰৰ বাবে জম্মু-কাশ্মীৰত এখন আন্তঃৰাষ্ট্ৰীয় পৰ্যায়ৰ বৈঠক অনুষ্ঠিত হ'বলৈ গৈ আছে ৷ এছ কে আই চি চি শ্ৰীনগৰত এখন সংবাদমেল সম্বোধন কৰি পৰ্যটন মন্ত্ৰী অৰবিন্দ সিঙে তিনিদিনীয়া জি-২০ বৈঠকৰ কথা জনায় (3rd G20 Tourism Working Group Meeting) ।
সিঙে জানিবলৈ দিয়ে যে 'তৃতীয় পৰ্যটন কাৰ্যকৰী গোটৰ বৈঠক'ত সেউজ পৰ্যটন, ডিজিটেলকৰণ, দক্ষতা, এমএছএমই আৰু গন্তব্য ব্যৱস্থাপনা নামৰ পাঁচটা মুখ্য অগ্ৰাধিকাৰ ক্ষেত্ৰৰ ওপৰত আলোচনা কৰা হ'ব । অৰবিন্দ সিঙে দাবী কৰিছে যে আজিৰ পৰা আৰম্ভ হ'বলগীয়া তিনিদিনীয়া জি-২০ সন্মিলনত অংশগ্ৰহণ কৰিবলৈ সৰ্বাধিক সংখ্যক প্ৰতিনিধিয়ে ইতিমধ্যে পঞ্জীয়ন কৰিছে । "লজিষ্টিক উদ্বেগৰ বাবে, কিছুমান দেশৰ প্ৰতিনিধি অহা নাই । ছিংগাপুৰে সৰ্ববৃহৎ প্ৰতিনিধিৰ দলটো প্ৰেৰণ কৰিছে," তেওঁ কয় (G20 Tourism Meet in Srinagar) ।
বৈঠকৰ প্ৰতি লক্ষ্য ৰাখি শ্ৰীনগৰ আৰু ইয়াৰ আশে-পাশে কঠোৰ নিৰাপত্তা ব্যৱস্থা কৰা হৈছে । ইয়াৰ উপৰিও, ২২ ৰ পৰা ২৪ মে'লৈ এই বৈঠকৰ বাবে কাশ্মীৰ ভ্ৰমণ কৰা ৬০ জন বিদেশী আৰু স্থানীয় লোকৰ ভ্ৰমণ সূচী অন্তিম মুহূৰ্তত সলনি কৰা হৈছে । দল হ্ৰদৰ পাৰত অৱস্থিত শ্বেৰ-ই-কাশ্মীৰ আন্তঃৰাষ্ট্ৰীয় সমাৱৰ্তন কেন্দ্ৰত বৈঠকখন অনুষ্ঠিত হৈছে । জি-20 বৈঠকৰ পৰিপ্ৰেক্ষিতত, পলিঅ'ভিউৰ পৰা এছ.কে.আই.চি.চি. লৈকে সকলো নিৰ্মাণ কাৰ্য সম্পূৰ্ণ হৈছে ।
আনহাতে, কৰ্তৃপক্ষই কয় যে বিশ্ব পৰ্যায়ৰ এই বৈঠক সফল আৰু দক্ষতাৰে সম্পূৰ্ণ কৰাৰ বাবে সকলো প্ৰস্তুতি সম্পূৰ্ণ কৰা হৈছে (Kashmir G20 summit) । বৈঠকৰ পূৰ্বে শ্ৰীনগৰত এক উচ্চ সতৰ্কতা জাৰি কৰা হৈছে, আনহাতে দল হ্ৰদ আৰু এছ.কে.আই.চি.চি.-ক সুৰক্ষা বাহিনীয়ে জিম্মাত লৈছে । যিকোনো অপ্ৰীতিকৰ ঘটনাৰ মোকাবিলা কৰিবলৈ সংশ্লিষ্ট অঞ্চলসমূহত বৃহৎ সংখ্যক নিৰাপত্তাকৰ্মী মোতায়েন কৰা হৈছে ।
লগতে পঢ়ক : G20 in Kashmir: জি20 বৈঠকৰ বাবে কাশ্মীৰত নিশ্চিদ্ৰ নিৰাপত্তা
