চিটাৰা ডেস্ক, 13 অক্টোবৰ : মুম্বাইৰ ক্ৰুজ ড্ৰাগছ গোচৰ(Cruise Drug Case)ত আটক হোৱা অভিনেতা শ্বাহৰুখ খান(Shah Rukh Khan)ৰ পুত্ৰ আৰিয়ান খান(Aryan Khan)ক সমৰ্থন দিছে বলীউডৰ প্ৰসিদ্ধ অভিনেতা তথা ৰাজনৈতিক নেতা শত্ৰুঘ্ন সিনহা(Shatrughan Sinha)ই ৷
আৰিয়ানক সমৰ্থন কৰি শত্ৰুঘ্ন সিনহাই ছ’চিয়েল মিডিয়াযোগে প্ৰধানমন্ত্ৰী নৰেন্দ্ৰ মোডী(PM Modi)ক সমালোচনা কৰা দেখা গৈছে ৷ লগতে বৰ্তমান আৰিয়ানৰ পিতৃ চুপাৰষ্টাৰ শ্বাহৰুখ খানক ছবিজগতৰ যথেষ্ট সমৰ্থনৰ প্ৰয়োজন ৷ তেওঁ কয় যে, আৰিয়ানৰ পিতৃ শ্বাহৰুখ খানক সহায় কৰাৰ এয়াই উপযুক্ত সময় ৷
কিন্তু গোডী মিডিয়া(Godi Media)ৰ বাবে কোনেও সমৰ্থনৰ বাবে আগবাঢ়ি আহিবলৈ সাহস কৰিব পৰা নাই ৷ ছবি জগতখন ভয়াতুৰ মানুহেৰে ভৰি থকা বুলি তাৎপৰ্যপূৰ্ণ মন্তব্য কৰে অভিনেতা শত্ৰুঘ্ন সিনহাই ৷ আৰিয়ানৰ ধৰ্মৰ ভিত্তিত আটক কৰা হৈছে নেকি বুলি কৰা প্ৰশ্নৰ উত্তৰত অভিনেতা শত্ৰুঘ্ন সিনহাই কয় যে, এয়া সঠিব বুলি ক’ব নোৱাৰি ৷
লগতে তেওঁ কয় যে, কিছুসংখ্যকে এনেকুৱা ধৰণৰ কথা কোৱাও শুনা গৈছে ৷ এনেধৰণৰ কথা কোৱাতো একেবাৰে অনুচিত ৷ কিয়নো আৰিয়ানো এজন ভাৰতীয় ৷ আৰিয়ান শ্বাহৰুখৰ পুত্ৰ হোৱাৰ বাবে তেওঁক লক্ষ্য কৰি লোৱা হৈছে ৷ এক ইংৰাজী পৰ্টেলযোগে হোৱা সাক্ষাৎকাৰত অভিনেতাগৰাকীয়ে কয় যে, আৰিয়ানৰ সৈতে আটক হোৱা মুনমুন ধমেচা আৰু আৰবাজ মাৰ্শ্বেণ্টৰ কথা কিন্তু কোনেও বু-বু-বা-বা কৰা নাই ৷
