নেশ্যনেল ডেস্ক, ১৮ অক্টোবৰ : তামিলনাডুৰ প্ৰাক্তন মুখ্যমন্ত্ৰী জয়াললিতাৰ মৃত্যুৰ তদন্ত প্ৰতিবেদন মঙলবাৰে অৰুমুগাস্বামী আয়োগে দাখিল কৰে (Arumughaswamy Commission report) ৷ এই তদন্ত প্ৰতিবেদন দাখিলৰ পাছতেই দেশজুৰি তীব্ৰ প্ৰতিক্ৰিয়াৰ সৃষ্টি হৈছে । আয়োগে দাবী কৰা মতে সঠিক চিকিৎসা প্ৰদান কৰিলে জয়াললিতাৰ জীৱন ৰক্ষা কৰিব পৰা হ’লহেঁতেন(Jayalalithaa death case) ।
অৰুমুগাস্বামী আয়োগে জয়ললিতাৰ ব্যক্তিগত চিকিৎসক কে এছ শিৱকুমাৰ, তদানীন্তন স্বাস্থ্য সচিব ৰাধাকৃষ্ণণ আৰু স্বাস্থ্যমন্ত্ৰী চি বিজয়ভাকৰ লগতে শশীকলাৰ বিৰুদ্ধে তদন্তৰ আহ্বান জনায় ৷ তদন্ত সমিতিৰ প্ৰতিবেদন মঙলবাৰে ৰাজ্যিক বিধানসভাতো উত্থাপন কৰা হৈছিল । অৰুমুগাস্বামী আয়োগৰ এই প্ৰতিবেদনৰ পাছতেই প্ৰতিক্ৰিয়া ব্যক্ত কৰিছে এআইএডিএমকেৰ বহিষ্কৃত নেত্ৰী শশীকলাই(AIADMK leader Sasikala) ৷ শশীকলাই অৰুমুগাস্বামী আয়োগৰ প্ৰতিবেদনত তেওঁৰ বিৰুদ্ধে উত্থাপিত সকলো অভিযোগ নস্যাৎ কৰে ৷
এআইএডিএমকেৰ বহিষ্কৃত নেত্ৰী শশীকলাই জে জয়ললিতাৰ চিকিৎসাত তেওঁ কোনোদিনে হস্তক্ষেপ কৰা নাছিল বুলি উল্লেখ কৰি তেওঁ এই তদন্তৰ সন্মুখীন হ'বলৈ সাজু থকাৰ কথা জানিবলৈ দিয়ে ৷ উল্লেখ্য যে, ২০১৬ চনৰ ডিচেম্বৰত জয়ললিতাৰ মৃত্যুৰ পিছত, তেওঁৰ মৃত্যুৰ কাৰণ আৰু চিকিৎসালয়ত ভৰ্তি হোৱাৰ সময়ত তেওঁক প্ৰদান কৰা চিকিৎসা প্ৰক্ৰিয়াক লৈ বিতৰ্কৰ সৃষ্টি হয়(Former CM Jayalalitha death mystery) । তামিলনাডুৰ প্ৰাক্তন মুখ্যমন্ত্ৰী অ' পান্নাৰচেলভামে জয়ললিতাৰ মৃত্যুৰ তদন্ত কৰাৰ বাবে আহ্বান জনায় ৷
ইয়াৰ ফলত জে জয়ললিতাৰ মৃত্যুৰ তদন্তৰ বাবে অৱসৰপ্ৰাপ্ত ন্যায়াধীশ অৰুমুগাস্বামীৰ একক সদস্য আয়োগখন গঠন কৰা হৈছিল । অৰুমুগাস্বামী আয়োগে ২০১৭ চনৰ নৱেম্বৰত জয়ললিতাৰ ঘনিষ্ঠ সহায়ক আৰু চিকিৎসা প্ৰদান কৰা চিকিৎসকসকলৰ শুনানিৰ সৈতে ইয়াৰ তদন্ত আৰম্ভ কৰে ৷ আয়োগে প্ৰায় ১৫৯ জনৰ সাক্ষ্য গ্ৰহণ কৰিছিল আৰু তামিলত তেওঁৰ ৬০৮ পৃষ্ঠাৰ চূড়ান্ত প্ৰতিবেদন আৰু ইংৰাজীত ৫০০ পৃষ্ঠাৰ প্ৰতিবেদন দাখিল কৰে ।
তেতিয়াৰ তামিলনাডুৰ স্বাস্থ্যমন্ত্ৰী বিজয়ভাকৰ, স্বাস্থ্যসচিব ৰাধাকৃষ্ণন, বিত্তমন্ত্ৰী আৰু এআইএডিএমকেৰ জ্যেষ্ঠ নেতা অ' পান্নাৰচেলভামৰো সাক্ষ্য গ্ৰহণ কৰে অৰুমুগাস্বামী আয়োগে ৷ আয়োগে ইয়াৰ পূৰ্বে আগষ্ট মাহত তদন্তৰ প্ৰতিবেদন সচিবালয়ত তামিলনাডুৰ মুখ্যমন্ত্ৰী এম কে ষ্টালিনৰ(Tamil Nadu CM M K Stalin) ওচৰত দাখিল কৰিছিল ।
লগতে পঢ়ক: Jayalalitha death inquiry : জয়াললিতাৰ মৃত্যুৰ তদন্তকাৰী আয়োগৰ প্ৰতিবেদন প্ৰকাশ
