নেশ্যনেল ডেস্ক, ২৬ আগষ্ট : অবৈধভাৱে ৰূপ সৰবৰাহ কৰিবলৈ গৈ ৰে'ল সুৰক্ষা বাহিনী(Railway Protection Force)ৰ জালত পৰিল দুজন লোক । বুধবাৰে ৰে'ল সুৰক্ষা বাহিনীয়ে ২২.১৮ কিলোগ্ৰাম ৰূপসহ দুয়োকে আটক কৰে । এটা বেগত ৰূপখিনি লুকুৱাই আনিছিল লোক দুজনে । ৰে'ল সুৰক্ষা বাহিনীৰ সন্দেহ হোৱাত দুয়োকে ৰখাই সোধা-পোছা কৰে আৰু তেওঁলোকে লগত অনা বেগৰ পৰা ৰূপখিনি জব্দ কৰে ।
কিন্তু ৰূপখিনিৰ বিশেষ তথ্য আগবঢ়াব পৰা নাছিল লোক দুজনে । ৰে'ল সুৰক্ষা বাহিনীয়ে এক বিবৃতিযোগে জনোৱা মতে, জব্দ কৃত ৰূপখিনিৰ মূল্য প্ৰায় ১৮ লাখ টকা । জেৰাৰ সময়ত লোক দুজনে কলকাতাৰ ছোভাবজাৰস্থিত এখন দোকানৰ পৰা ৰূপখিনি ক্ৰয় কৰাৰ কথা স্বীকাৰ কৰে । কৰ আদায়ৰ পৰা ৰক্ষা পৰিবলৈ এনেদৰে অবৈধভাৱে ৰূপ সৰবৰাহ কৰি আহিছিল লোক দুজনে ।
ছোভাবজাৰৰ পৰা ৰূপ ক্ৰয় কৰি তেওঁলোকে স্থানীয় ব্যৱসায়ীক বিক্ৰী কৰে বুলি আৰক্ষীৰ জেৰাত দুয়োজনে স্বীকাৰ কৰে । ৰূপখিনি আৰু ধৃত লোক দুজনক সম্প্ৰতি GST বিষয়াৰ হাতত গটাই দিয়া হিছে ।
ৰে'ল সুৰক্ষা বাহিনীয়ে দুয়োকে পশ্চিমবংগৰ হাওৰা ষ্টেচনৰ পৰা আটক কৰে । এই লোক দুজন দীৰ্ঘদিন ধৰি মূল্যৱান সামগ্ৰীৰ অবৈধ সৰবৰাহৰে জড়িত হৈ আহিছে । এই অবৈধ সৰবৰাহৰে জড়িত হৈ থকা আন বহু লোক আৰক্ষীৰ জালত পৰাৰ সম্ভাৱনা আছে ।
লগতে পঢ়ক: skin-to-skin contact : বম্বে উচ্চ ন্যায়ালয়ৰ ৰায়ক 'অপমানজনক' আখ্যা বেণুগোপালৰ
