নেশ্যনেল ডেস্ক,২০ আগষ্ট : সমাগত ছত্তীশগড়ৰ বিধানসভা নিৰ্বাচন । তাৰ প্ৰাকক্ষণত প্ৰতিটো ৰাজনৈতিক দলে নিজা নিজা নিৰ্বাচনী ইস্তাহাৰ প্ৰস্তুত কৰিছে । কিছুমানে তেওঁলোকৰ ইস্তাহাৰক গ্যেৰাণ্টি কাৰ্ড আখ্যা দিছে । দলবোৰে বিভিন্ন ধৰণৰ বিনামূলীয়া সুবিধা আৰু সামগ্ৰী প্ৰদানৰ ঘোষণা কৰিছে । আম আদমি পাৰ্টীয়ে বিনামূলীয়া ৰেৱাৰী প্ৰদানৰ ঘোষণা কৰাকলৈ ইতিমধ্যে চৰ্চা আৰম্ভ হৈছে । কিন্তু বিনামূলীয়া আঁচনিবোৰৰ নিৰ্বাচনত কি প্ৰভাৱ আছে, ৰাজনৈতিক দলবোৰে ইয়াক কেনেদৰে লক্ষ্য কৰে আৰু ৰাজনৈতিক বিশেষজ্ঞসকলে ইয়াক কেনেদৰে পৰ্যালোচনা কৰে ।
প্ৰথমে যদি আম আদমি পাৰ্টীৰ কথা চোৱা যায়, তেওঁলোকে আগন্তুক বিধানসভা নিৰ্বাচন সন্দৰ্ভত শনিবাৰে ৰাজ্যখনৰ জনসাধাৰণক ১০ টা গ্যেৰাণ্টি দিছে । লগতে বিনামূলীয়া স্বাস্থ্য, বিনামূলীয়া শিক্ষা, বিনামূলীয়া বিদ্যুৎ, মহিলাসকলক প্ৰতি মাহে ১০০০ টকা, বৃদ্ধসকলৰ বিনামূলীয়া তীৰ্থযাত্ৰা আদিৰ পৰিকল্পনা কৰিছে ।
কংগ্ৰেছ দলেও আগন্তুক বিধানসভা নিৰ্বাচনৰ প্ৰতি লক্ষ্য ৰাখি বিনামূলীয়া আঁচনি ঘোষণা কৰিছে । ১৫ আগষ্টত ভাষণ প্ৰসংগত মুখ্যমন্ত্ৰী ভূপেশ বাঘেলে অভিযান্ত্ৰিক আৰু চিকিৎসা প্ৰস্তুতিৰ বাবে বিনামূলীয়া অনলাইন প্ৰশিক্ষণ, উচ্চ বিদ্যালয় আৰু মহাবিদ্যালয়ৰ শিক্ষাৰ্থীসকলৰ বাবে বিনামূলীয়া বাছ সেৱাৰ ব্যৱস্থা কৰাৰ কথা ঘোষণা কৰে । ইফালে কংগ্ৰেছে বিধানসভা নিৰ্বাচন ২০১৮-ৰ সময়তো ৰাজহুৱা ইস্তাহাৰত কিছুমান আঁচনিৰ কথা উল্লেখ কৰিছিল, যাৰ ভিতৰত আছে ঋণ ৰেহাই আৰু বিদ্যুত বিল আধা কৰা ।
আনহাতে বিজেপি দলেও বিনামূলীয়া আঁচনি ঘোষণা কৰাত পিছ পৰি থকা নাই । বিজেপি চৰকাৰে চাউল প্ৰতি কিলোগ্ৰামত ১ টকা আৰু ২ টকাত বিতৰণ কৰাৰ কথা ঘোষণা কৰি থৈছে । দলটোৱে পূৰ্বে বিভিন্ন ঘোষণা কৰিছিল ।
