নিউজ ডেস্ক, ৪ মাৰ্চ : অসমৰ মুখ্যমন্ত্ৰী হিমন্ত বিশ্ব শৰ্মাই শুকুৰবাৰে কংগ্ৰেছ নেতা ৰাহুল গান্ধীক তেওঁ চোৰাংচোৱা সংস্থাৰ তত্ত্বাৱধানত থকাৰ দাবী সন্দৰ্ভত তীব্ৰ আক্ৰমণ কৰে (Himanta Biswa Sarma criticized Rahul Gandhi) । লগতে কেমব্ৰিজ বিশ্ববিদ্যালয়ত তেওঁ আগবঢ়োৱা বক্তব্যক "প্ৰধানমন্ত্ৰীক লক্ষ্য কৰি বিদেশৰ মাটিত ভাৰতক বদনাম কৰাৰ প্ৰয়াস" বুলি অভিহিত কৰে (Himanta Biswa alleged Rahul defaming India) ।
উল্লেখ্য যে ইয়াৰ পূৰ্বে কেন্দ্ৰীয় মন্ত্ৰী অনুৰাগ সিং ঠাকুৰেও (central minister Anurag Singh Thakur) ৰাহুল গান্ধীক তীব্ৰ গৰিহণা দি কয় যে ৰাহুলৰ বক্তব্য মিছা আৰু ভাৰতক বদনাম কৰা । তেওঁ কয় যে কংগ্ৰেছৰ এই মনোভাবৰ বাবেই দলটোৰ পতন হৈছে (Rahul Gandhi Cambridge speech) ।
একেলেথাৰিয়ে কৰা টুইটত বিজেপি নেতাজনে ৰাহুল গান্ধীয়ে দিয়া বক্তব্যৰ প্ৰত্যুত্তৰত দাবী কৰে যে তাত (ৰাহুলৰ অভিযোগ) কোনো সত্যতা নাই । তেওঁ কয় যে কেমব্ৰিজত ৰাহুল গান্ধীৰ বক্তব্য "সন্মানীয় প্ৰধানমন্ত্ৰী নৰেন্দ্ৰ মোদীক লক্ষ্য কৰি বিদেশৰ মাটিত ভাৰতক বদনাম কৰাৰ এক ভুল প্ৰয়াসৰ বাহিৰে আন একো নহয়" ।
ৰাহুল গান্ধীয়ে আগবঢ়োৱা "তেওঁলোকে মুক্তভাৱে নিজৰ মতামত প্ৰকাশ কৰিবলৈ সক্ষম নহয়, সেয়েহে ভাৰতীয় গণতন্ত্ৰৰ প্ৰতি ভাবুকি আহিছে" বুলি দিয়া মন্তব্যৰ প্ৰতিক্ৰিয়া ব্যক্ত কৰি হিমন্ত বিশ্ব শৰ্মাই টুইট কৰে, "তথ্য : মোদী চৰকাৰে প্ৰদান কৰা নিৰাপত্তাৰ মাজত কোনো অপ্ৰীতিকৰ ঘটনা নোহোৱাকৈ তেওঁ ৪,০০০ কিলোমিটাৰ দীঘল যাত্ৰাত খোজ কাঢ়িছিল । আমি তেওঁলোকক মনত পেলাই দিব লাগিব নেকি যে কংগ্ৰেছ ক্ষমতাত থকাৰ সময়ত বিজেপি নেতাসকলৰ নেতৃত্বত কৰা যাত্ৰা কেনেদৰে ক্ষতিগ্ৰস্ত হৈছিল ?"
আনহাতে, ৰাহুল গান্ধীয়ে "মোৰ ফোনত পেগাচাছ আছিল" বুলি কৰা দাবী আৰু এজন বিষয়াই তেওঁক এই সন্দৰ্ভত সতৰ্ক কৰি দিয়া সন্দৰ্ভত মুখ্যমন্ত্ৰী হিমন্ত বিশ্ব শৰ্মাই কয় যে উচ্চতম ন্যায়ালয়ৰ পৰামৰ্শ সত্ত্বেও কংগ্ৰেছৰ সাংসদগৰাকীয়ে তদন্তৰ বাবে তেওঁৰ ফোনটো হস্তান্তৰ কৰা নাছিল (Rahul Gandhi on Pegasus issue) । হিমন্ত বিশ্ব শৰ্মাই লগতে লিখিছে, "পুংখানুপুংখ তদন্তৰ পিছত উচ্চতম ন্যায়ালয়ে এই সিদ্ধান্তত উপনীত হৈছিল যে পেগাচাছৰ কোনো প্ৰমাণ নাই ।"
লগতে পঢ়ক: Rahul Gandhi at Cambridge University : মোৰ ফোন পেগাচাছৰ জৰিয়তে নিৰীক্ষণত ৰখা হৈছিল ; ৰাহুল গান্ধী
