নিউজ ডেস্ক, ২ মে' : কৰ্ণাটকত বিধানসভা নিৰ্বাচনৰ বাবে প্ৰস্তুতি চলাই থকা বিজেপিয়ে প্ৰধানমন্ত্ৰী নৰেন্দ্ৰ মোডীৰ হৈ দ্বিতীয় পৰ্যায়ৰ প্ৰচাৰৰ বাবে সাজু হৈছে (PM Modi election campaign in Karnataka) । মঙলবাৰে প্ৰধানমন্ত্ৰী মোডীয়ে ৰাজ্যখনৰ বিভিন্ন প্ৰান্তত দলীয় প্ৰাৰ্থীৰ বাবে প্ৰচাৰ চলাব । প্ৰধানমন্ত্ৰীয়ে অভিযানৰ দ্বিতীয় পৰ্যায়ত চিত্ৰদুৰ্গা, হোচপেট, সিন্দনুৰ, কালাবুৰাগীত এক ৰোড শ্ব' আৰু সন্মিলনত অংশগ্ৰহণ কৰিব (BJP election campaign in Karnataka) ।
মঙলবাৰে চাৰিটা স্থানত মোডীৰ প্ৰচাৰ : প্ৰধানমন্ত্ৰীয়ে মঙলবাৰে পুৱা ১১ বজাত চিত্ৰদুৰ্গাত এক ৰাজহুৱা অনুষ্ঠানত অংশগ্ৰহণ কৰিছে (Karnataka Assembly election 2023) । তাৰ পৰা গৈ তেওঁ বিজয়নগৰ জিলাৰ সদৰ হোচপেটত আন এখন ৰাজহুৱা সভাত অংশগ্ৰহণ কৰিব । তেওঁ বিয়লি ৪ বজাত ৰাইচুৰ জিলাৰ সিন্ধুৰত অনুষ্ঠিত হ'বলগীয়া এক কাৰ্যসূচীত ৰাইজক সম্বোধন কৰিব ৷
সন্ধিয়া ৬.৩০ বজাত প্ৰধানমন্ত্ৰী মোডীয়ে এআইচিচিৰ সভাপতি মল্লিকাৰ্জুন খৰ্গেৰ (AICC president Mallikarjuna Kharge) গৃহ জিলা কালাবুৰাগীত এক ৰোড শ্ব' অনুষ্ঠিত কৰিব ৷ প্ৰধানমন্ত্ৰী মোডী তাতেই নিশাটো কটাই বুধবাৰে মাংগালোৰত উপস্থিত হ'ব বুলি বিজেপি সূত্ৰত প্ৰকাশ ।
উল্লেখ্য যে, নিৰ্বাচনৰ দিন চমু চাপি অহাৰ লগে লগে ৰাজ্যজুৰি নিৰ্বাচনী প্ৰচাৰে তীব্ৰ গতি লাভ কৰিছে । সকলো দলেই আগ্ৰাসীভাৱে প্ৰচাৰ অভিযান চলাই আছে । ৰাজ্যখনৰ প্ৰতিটো প্ৰন্ততে এতিয়া এক নিৰ্বাচনী প্ৰচাৰৰ পৰিৱেশ । আনহাতে, কংগ্ৰেছৰ সাধাৰণ সম্পাদক প্ৰিয়ংকা গান্ধী ভদ্ৰায়ো ইতিমধ্যে প্ৰচাৰ কাৰ্যত নামি পৰিছে (Priyanka Gandhi in Karnataka election campaign) ।
প্ৰিয়ংকাই মঙলবাৰে ৰাজ্যখনৰ চাৰিটা স্থানত প্ৰচাৰ চলাব । তেওঁ মঙলবাৰে দুপৰীয়া ১২ বজাত মাণ্ড্যত এখন ৰাজহুৱা সভাত অংশগ্ৰহণ কৰিব । পিছত তাৰ পৰা গৈ তেওঁ বিয়লি 4 বজাত কোলাৰৰ চিন্তামণিত এটা ৰোড শ্ব'ত অংশগ্ৰহণ কৰিব ।
আনহাতে, সন্ধিয়া 5.30 বজাত প্ৰিয়ংকা গান্ধীয়ে বাংগালোৰ গ্ৰামাঞ্চলৰ হস্কোটত অনুষ্ঠিত হ'বলগীয়া এক ৰোড শ্ব'ত অংশগ্ৰহণ কৰিব । সন্ধিয়া 7.15 বজাত কংগ্ৰেছৰ সাধাৰণ সম্পাদক প্ৰিয়ংকাই বাংগালুৰুৰ চিভি ৰমন নগৰত এক ৰোড শ্ব' অনুষ্ঠিত কৰিব আৰু দলৰ প্ৰাৰ্থীৰ হৈ প্ৰচাৰ চলাব । নিশাটো প্ৰিয়ংকা গান্ধীয়ে বাংগালুৰুতে কটাব ।
ৰাহুল গান্ধীৰ প্ৰচাৰ অভিযান : ইফালে ৰাহুল গান্ধীয়ে মঙলবাৰে পুৱা ১১.৩০ বজাত শিমোগা জিলাৰ থেৰথাহাল্লিত এক ৰাজহুৱা অনুষ্ঠানত অংশগ্ৰহণ কৰিছে (Rahul Gandhi Campaign in Karnataka) । তাৰ পিচত তেওঁ দুপৰীয়া 1.20 বজাত দাভানগেৰ জিলাৰ হৰিহাৰাত আন এখন ৰাজহুৱা সভাত অংশগ্ৰহণ কৰিব । পিছত আবেলি 3.15 বজাত তেওঁ চিক্কামাগালুৰত এক ৰোড শ্ব'ত অংশগ্ৰহণ কৰিব ।
লগতে পঢ়ক : Karnataka 2023 poll manifesto: বিজেপিৰ নিৰ্বাচনী ইস্তাহাৰক ভুৱা আখ্যা কংগ্ৰেছৰ
