নেশ্যনেল ডেস্ক, 18 আগষ্ট : মহাৰাষ্ট্ৰৰ নাগপুৰত উৎখাত যৌন বেহাৰ লগত জড়িত চক্ৰ ৷ হোটেল চিটিস্কেপত মালিচ পাৰ্লাৰৰ নামত চলি থকা এটা যৌন ৰেকেটৰ সম্ভেদ লাভ কৰে আৰক্ষীয়ে । এক গোপন সূত্ৰৰ ভিত্তিত এই অভিযান চলোৱা হয় । আৰক্ষীয়ে গোচৰটোৰ সন্দৰ্ভত ছয়গৰাকী মহিলাক গ্ৰেপ্তাৰ কৰিছে । ইয়াৰ মাজত উদ্ধাৰ হোৱা ছোৱালীকেইজনীৰ ভিতৰত এগৰাকী পশ্চিম বংগৰ, এগৰাকী গণ্ডিয়াৰ আৰু দুগৰাকী উত্তৰ প্ৰদেশৰ আৰু দুগৰাকী নাগপুৰৰ বুলি আৰক্ষীয়ে জানিবলৈ দিয়ে । সমগ্ৰ অভিযানটো অপৰাধ শাখাৰ অনৈতিক মানৱ সৰবৰাহ প্ৰতিৰোধ কোষ আৰু অপৰাধ শাখাৰ গোট ২ ৰ দ্বাৰা সম্পন্ন কৰা হৈছিল ।
নাগপুৰ অপৰাধ শাখাৰ দলটোৱে খবৰ পাইছিল যে কিছু মহিলা আৰু ছোৱালীক সদৰৰ চিটিস্কেপ হোটেলত স্পা আৰু মালিচ দিয়াৰ নামত অবৈধ পতিতা বৃত্তিত লিপ্ত কৰোৱা হৈছে । এই খবৰৰ প্ৰায় চাৰিদিন পিচত আৰক্ষীৰ জালত আৱদ্ধ হয় অভিযুক্ত। ২ জন ভুৱা গ্ৰাহকক লৈ ফান্দ পাতি হোটেলখনত অভিযান চলাই আৰক্ষীয়ে । তাৰ পিচত হোটেলখনৰ দুটা কোঠাত উদ্ধাৰ হয় দুগৰাকী মহিলা ।
যেতিয়া হোটেলখনত দুজন ন্যায়াধীশৰ সন্মুখত অনুসন্ধান চলোৱা হৈছিল, চাৰিগৰাকী মহিলাক পাকঘৰৰ কোঠাত বন্দী অৱস্থাত পোৱা গৈছিল । আৰক্ষীয়ে তাত স্পা আৰু মালিচ পাৰ্লাৰ চলাই থকা অভিযুক্ত মহিলাগৰাকীকো আটক কৰে । আৰক্ষীয়ে মহিলাগৰাকীৰ পৰা বহু নোট জব্দ কৰিছে । ইয়াৰ উপৰিও, তেওঁৰ সৈতে পতিতা বৃত্তিত লিপ্ত হোৱা আৰু গ্ৰাহকসকলক তেওঁলোকৰ ওচৰলৈ প্ৰেৰণ কৰা মহিলাসকলৰ ওপৰত চকু ৰখা আন দুজন অভিযুক্তকো গ্ৰেপ্তাৰ কৰা হৈছে । তেওঁলোকৰ নাম কমলেশ গজানন কটকামৱাড আৰু প্ৰদীপ কুমাৰ ঠাকুৰ কুশৱাহা ।
আৰক্ষীয়ে হোটেলখনৰ গৰাকী ওম ওৰফে অবিনাশ কদমৰ লগতে স্পা চলাই থকা মহিলাগৰাকীৰ বিৰুদ্ধে ব্যৱস্থা গ্ৰহণ কৰিছে । থানাত এই চাৰিজনৰ বিৰুদ্ধে ৩৭০, ৩৪ আইপিচি ধাৰাত গোচৰ ৰুজু কৰা হৈছে । ১৯৫৬ চনৰ ব্যক্তিৰ অনৈতিক সৰবৰাহ প্ৰতিৰোধী আইনৰ ৩, ৪, ৫, ৬, ৭ আৰু ৮ নং ধাৰাত গোচৰ ৰুজু কৰা হৈছে । এই অভিযানত মুঠ ৬ গৰাকী ভুক্তভোগী মহিলা আৰু ছোৱালী উদ্ধাৰ কৰা হয় । হোটেলখনৰ পৰা মোবাইল ফোনকে ধৰি ৬১ হাজাৰ ৩০০ টকা আৰু মুঠ ১ লাখ ২২ হাজাৰ ৩০০ টকা জব্দ কৰা হৈছে ।
লগতে পঢ়ক : Gujrat Rape Incident: ১৭ বছৰীয়া এজনী ছোৱালীক একেৰাহে ৬ দিন ধৰ্ষণ কৰাৰ অপৰাধত ২০ বছৰৰ কাৰাদণ্ড
