নেশ্যনেল ডেস্ক, 6 ফেব্ৰুৱাৰী: উত্তৰ প্ৰদেশৰ আগ্ৰাত অবৈধ বাংলাদেশীৰ আগ্ৰাসন (Illegal Bangladeshi nationals in Agra) ৷ আগ্ৰাৰ চিকান্দ্ৰা অঞ্চলৰ গৃহ উন্নয়ন খণ্ড 14 ত নথি-পত্ৰ অবিহনে অবৈধভাৱে বাস কৰা বাংলাদেশী নাগৰিকৰ বিৰুদ্ধে অভিযান চলায় আৰক্ষীয়ে (Action on Bangladeshis) ৷ আগ্ৰাৰ উপ আৰক্ষী আয়ুক্ত বিকাশ কুমাৰে (DCP Vikas Kumar ) জনোৱা অনুসৰি আৰক্ষীয়ে চোৰাংচোৱা সূত্ৰৰ তথ্য অনুসৰি অঞ্চলটোত অভিযান চলাই মুঠ 40 গৰাকী অবৈধ বাংলাদেশী নাগৰিকক আটক কৰিবলৈ সক্ষম হয় (Police nabbed illegal Bangladeshi nationals)৷
ইয়াৰে ভিতৰত 15 জন পুৰুষ, 13 গৰাকী মহিলা আৰু 12 টা শিশুক আটক কৰিছে আৰক্ষীয়ে (Illegal Bangladeshi nationals detained) ৷ লগতে আৰক্ষীয়ে ধৃত নাগিৰকৰ পৰা ভুৱা আধাৰ আৰু পেন কাৰ্ডো উদ্ধাৰ কৰিছে (Police recovered fake Aadhaar and PAN cards) ৷
উপ আৰক্ষী আয়ুক্ত বিকাশ কুমাৰৰ নিৰ্দেশনা অনুসৰি জিলাখনৰ চিকান্দ্ৰা, জগদীশপুৰা আৰু হৰিপৰ্বত আৰক্ষী থানাৰ অধীনত আৰক্ষী দেওবাৰে গৃহ উন্নয়ন খণ্ড 14 ত উপস্থিত হৈ সেই ঠাইত থকা খালী ভূমিত কিছুসংখ্যক অস্থায়ী ঘৰ নিৰ্মাণ কৰা প্ৰত্যক্ষ কৰে ৷ আৰক্ষীয়ে অস্থায়ী ঘৰসমূহৰ বিষয়ে তদন্ত আৰম্ভ কৰি এই ঘৰসমূহ অবৈধ বাংলাদেশী নাগৰিকৰ বুলি সন্দেহ প্ৰকাশ কৰিছিল (Bangladeshis nabbed in Agra) ৷
পৰৱৰ্তী সময়ত, আৰক্ষীয়ে তথ্য লাভ কৰে যে এই লোকসকলে বংগ সীমান্ত অতিক্ৰম কৰি বিহাৰ হৈ ভাৰতত উপস্থিত হৈছিল ৷ ইয়াৰ পিচতে বিহাৰৰ পৰা উত্তৰ প্ৰদেশলৈ অহাৰ সময়ত ব্যক্তিয়ে প্ৰতি এজন ঠিকাদাৰক প্ৰায় 20,000 টকাকৈ পৰিশোধ কৰিব লগা হৈছিল ৷
