নেশ্যনেল ডেস্ক,৩০ জুন : কটকটীয়া নিৰাপত্তাৰ মাজেৰে বিশাল কনভয়ৰ সৈতে যাত্ৰা কৰা দেশৰ প্ৰধানমন্ত্ৰী নৰেন্দ্ৰ মোডীক হঠাৎ দেখা গ'ল মেট্ৰ' ৰে'লত । দিল্লীত মেট্ৰ' ৰে'লত উঠিল প্ৰধানমন্ত্ৰীগৰাকী । মেট্ৰ' ৰে'লৰ জৰিয়তে দিল্লী বিশ্ববিদ্যালয়ত উপস্থিত হ'ল প্ৰধানমন্ত্ৰীগৰাকী ।
শুকুৰবাৰে পুৱাই মেট্ৰ' ৰে'লত দেশৰ প্ৰধানমন্ত্ৰীক দেখা পাই আচৰিত যাত্ৰীসকল । দিল্লী বিশ্ববিদ্যালয়ৰ শতবাৰ্ষিকী অনুষ্ঠানত ভাগ লোৱাৰ বাবে প্ৰধানমন্ত্ৰীগৰাকীয়ে মেট্ৰ' ৰে'লত ভ্ৰমণ কৰে । প্ৰধানমন্ত্ৰী নৰেন্দ্ৰ মোডীয়ে লোক কল্যাণ মাৰ্গ মেট্ৰ' ষ্টেচনত মেট্ৰ'খনত উঠিছিল । আনহাতে তেওঁ বিশ্ববিদ্যালয় মেট্ৰ' ষ্টেচনত ৰে'লৰ পৰা অৱতৰণ কৰে । যাত্ৰাৰ সময়ত প্ৰধানমন্ত্ৰী নৰেন্দ্ৰ মোডীয়ে দিল্লী মেট্ৰ'ত জনসাধাৰণৰ সৈতেও বাৰ্তালাপ কৰে । তেওঁ সহযাত্ৰীসকলৰ সৈতে ফটো তোলাও দেখা গৈছে ।
প্ৰধানমন্ত্ৰী নৰেন্দ্ৰ মোডীয়ে এক টুইটযোগে কয় যে দিল্লী মেট্ৰ'ৰ জৰিয়তে দিল্লী বিশ্ববিদ্যালয়ৰ কাৰ্যসূচীলৈ যোৱাৰ সময়ত যুৱক-যুৱতীসকলক সহযাত্ৰী হিচাপে পাই তেওঁ সুখী । তেওঁৰ মেট্ৰ' ৰে'ল যাত্ৰাৰ ফটোও পোষ্ট কৰে । অৱশ্যে মেট্ৰ' ৰে'লত প্ৰধানমন্ত্ৰীগৰাকীৰ এয়াই প্ৰথম ভ্ৰমণ নহয় ।
-
On the way to the DU programme by the Delhi Metro. Happy to have youngsters as my co-passengers. pic.twitter.com/G9pwsC0BQK
— Narendra Modi (@narendramodi) June 30, 2023 " class="align-text-top noRightClick twitterSection" data="
">On the way to the DU programme by the Delhi Metro. Happy to have youngsters as my co-passengers. pic.twitter.com/G9pwsC0BQK
— Narendra Modi (@narendramodi) June 30, 2023On the way to the DU programme by the Delhi Metro. Happy to have youngsters as my co-passengers. pic.twitter.com/G9pwsC0BQK
— Narendra Modi (@narendramodi) June 30, 2023
দিল্লী বিশ্ববিদ্যালয়ত অনুষ্ঠিত কাৰ্যসূচীৰ সময়ত প্ৰধানমন্ত্ৰী গৰাকীয়ে দিল্লী বিশ্ববিদ্যালয় কম্পিউটাৰ কেন্দ্ৰৰ আধাৰশিলা স্থাপন কৰে আৰু প্ৰযুক্তিবিদ্যা অনুষদ আৰু বিশ্ববিদ্যালয়ৰ উত্তৰ চৌহদত নিৰ্মাণ হ'বলগীয়া একাডেমিক খণ্ডৰ আধাৰশিলা স্থাপন কৰে । উল্লেখ্য যে ১৯২২ চনৰ ১ মে'ত দিল্লী বিশ্ববিদ্যালয় স্থাপন হৈছিল । যোৱা ১০০ বছৰত, বিশ্ববিদ্যালয়খন যথেষ্ট বৃদ্ধি আৰু সম্প্ৰসাৰিত হৈছে ।
এতিয়া বিশ্ববিদ্যালয়খনত ৮৬ টা বিভাগ আছে । বিশ্ববিদ্যালয়ৰ অধীনত ৯০ খন মহাবিদ্যালয় আৰু ৬ লাখতকৈও অধিক শিক্ষাৰ্থী আছে । বিশ্ববিদ্যালয়খনে ৰাষ্ট্ৰ নিৰ্মাণত যথেষ্ট অৱদান আগবঢ়াইছে । প্ৰতিবছৰে দিল্লী বিশ্ববিদ্যালয়ত নামভৰ্তিৰ বাবে দেশৰ বিভিন্ন ৰাজ্যৰ পৰা শ শ শিক্ষাৰ্থীয়ে আৱেদন জনায় । দেশৰ বাহিৰৰ পৰাও বহু শিক্ষাৰ্থীয়ে প্ৰতিবছৰে দিল্লী বিশ্ববিদ্যালয়ত নামভৰ্তি কৰে ।
লগতে পঢ়ক :Rahul Gandhi Manipur visit : মণিপুৰ ভ্ৰমণৰ মাজতে ৰাহুল গান্ধীৰ আৱেগিক পোষ্ট
