নেশ্যনেল ডেস্ক, ৬ মে': বোম্বে উচ্চ ন্যায়ালয়ৰ দ্বাৰস্থ চিৰাম ইনষ্টিটিউটৰ মুখ্য কাৰ্যবাহী বিষয়া (চিইঅ)' আদাৰ পুনাৱালা । দৰাচলতে, আদাৰ পুনাৱালাই তেওঁ আৰু তেওঁৰ পৰিয়ালৰ বাবে জেড প্লাছ নিৰাপত্তা বিচাৰি বুধবাৰে বোম্বে উচ্চ ন্যায়ালয়ত এক আবেদন দাখিল কৰে । পুনাৱালাৰ হৈ দত্ত মানে নামৰ এগৰাকী অধিবক্তাই বোম্বে উচ্চ ন্যায়ালয়ত আবেদন দাখিল কৰিছে আৰু পুনাৱালাক ভাবুকি দিয়াসকলৰ বিৰুদ্ধে এজাহাৰ পঞ্জীয়ন কৰিবলৈ আদালতৰ পৰা নিৰ্দেশনা বিচাৰে দত্তই ।
উল্লেখ্য যে, পুনাৱালাই দীৰ্ঘদিনৰে পৰা ভাবুকি লাভ কৰি আহিছে । পৰৱৰ্তী সময়ত তেওঁ স্বদেশ এৰি লণ্ডনলৈ ৰাওনা হয় ।
ইয়াৰ পূৰ্বে, ২৮ এপ্ৰিলত গৃহ মন্ত্ৰালয়ে জনাইছিল যে কেন্দ্ৰীয় ৰিজাৰ্ভ আৰক্ষী বাহিনী (চিআৰপিএফ) য়ে চিৰাম ইনষ্টিটিউটৰ মুখ্য কাৰ্যবাহী বিষয়াক সমগ্ৰ দেশতে ৱাই শ্ৰেণীৰ নিৰাপত্তা প্ৰদান কৰিব । উল্লেখ্য যে, পুনেস্থিত চিৰাম ইনষ্টিটিউট অফ ইণ্ডিয়াই (এছ আই আই) 'কোভীশ্বিল্ড' ক'ভিড প্ৰতিষেধক প্ৰস্তুত কৰিছে ।
লগতে পঢ়ক: পশ্চিম ত্ৰিপুৰাৰ বিতৰ্কিত জিলা দণ্ডাধীশক দক্ষিণ ত্ৰিপুৰালৈ বদলি
