নিউজ ডেস্ক, 12 মে’: হায়দৰাবাদত ৰক্তাক্ত কৰাৰ পৰিকল্পনা কৰাৰ পৰিকল্পনা কাৰ ? হায়দৰাবাদ আৰক্ষীৰ এক অভিযানত পোহৰলৈ আহিছে কেতবোৰ অতি চাঞ্চল্যকৰ তথ্য ৷ আৰক্ষীয়ে লাভ কৰিছে হিজব-উত-তাহৰিৰ (Hizb-ut-Tahrir) নামৰ সন্ত্ৰাসবাদী সংগঠনটোৰ ভয়ংকৰ পৰিকল্পনাৰ তথ্য ৷ সংগনটোৰে জড়িত এটা অভিযুক্তক গ্ৰেপ্তাৰ কৰাৰ পাচতেই আৰক্ষীয়ে লাভ কৰিছে তথ্য ৷ আৰক্ষীয়ে সদৰী কৰা তথ্য অনুসৰি হায়দৰাবাদত এক বৃহৎ বিস্ফোৰণ সংঘটিত কৰাৰ পৰিকল্পনা কৰা হৈছিল ৷ যাৰ বাবে সংগঠনটোৱে তিনিটা প্ৰক্ৰিয়া অনুসৰণ কৰিছিল (Planning for massive explosions in Hyderabad) ৷
প্ৰথম পৰ্যায়ত, তেওঁলোকে যুৱকসকলক সংগঠনটোৰ প্ৰতি আকৰ্ষিত কৰে ৷ দ্বিতীয় পৰ্যায়ত, তেওঁলোকক প্ৰযুক্তি আৰু অন্যান্য দিশত প্ৰশিক্ষণ দিয়া হয় আৰু তৃতীয় পৰ্যায়ত আক্ৰমণ সংঘটিত কৰা হয় ৷ ইয়াৰ দ্বাৰা এক ভয়ংকৰ গণ আক্ৰমণ সংঘটিত কৰাৰ পৰিকল্পনা কৰা হৈছিল বুলিও প্ৰকাশ কৰিছে আৰক্ষীয়ে ৷ হায়দৰাবাদৰ বিকাৰাবাদৰ অনন্তগিৰি পাহাৰত আক্ৰমণ সংঘটিত কৰাৰ বাবে যুৱকসকলক বন্দুক আৰু আন আন অস্ত্ৰৰ প্ৰশিক্ষণ প্ৰদান কৰা হৈছিল বুলিও তথ্য লাভ কৰিছে আৰক্ষীয়ে (Explosion planning in Hyderabad) ৷
তথ্য অনুসৰি মধ্য প্ৰদেশ আৰক্ষীয়ে ভূপাল আৰু হায়দৰাবাদত একেলগে অভিযান চলাই সন্ত্ৰাসবাদী সংগঠনটোৰ আৰু 16 জন লোকক গ্ৰেপ্তাৰ কৰা বুলি জানিব পৰা গৈছে ৷ ইয়াৰ ভিতৰত পাঁচটা অভিযুক্ত হায়দৰাবাদৰ ৷ বুধবাৰে আন এটা অভিযুক্তক গ্ৰেপ্তাৰ কৰাৰ পাচত সংগঠনটোৰে জড়িত অভিযুক্তৰ সংখ্যা 17 বৃদ্ধি পায় (Bombing planning in Hyderabad) ৷
