নিউজ ডেস্ক, 11 জুন : যোৱা 2 জুনত ওড়িশাৰ বালাছোৰত সংঘটিত ত্ৰিপল ৰে’ল দুৰ্ঘটনাৰ উত্তেজনা এতিয়াও মাৰ যোৱা নাই ৷ অভিশপ্ত শুকুৰবাৰে সন্ধিয়া প্ৰায় 7.30 বজাত সংঘটিত হোৱা এই দুৰ্ঘটনাত 288 গৰাকী লোক মৃত্যু হোৱাৰ লগতে প্ৰায় 1000 ৰো অধিক লোক আহত হৈছিল ৷
ইয়াৰ পিচতে দেওবাৰে বাহানাগা উচ্চ বিদ্যালয়ৰ চৌহদত মৃতদেহ সমূহ ৰখা ঠাইত এই দুৰ্ভাগ্যজনক দুৰ্ঘটনাত পতিত হোৱা ক’ৰ’মণ্ডল এক্সপ্ৰেছ আৰু বেংগালুৰু-হাওৰা ৰে’লৰ পৰা লোকসকলক উদ্ধাৰকাৰীসকলে বিন্দু ৰীতি-নীতি অনুসৰি গণ মুণ্ডন কৰে ৷
এই মুণ্ডন কাৰ্যসূচীত গাঁওবাসীও অংশগ্ৰহণ কৰি আহতসকলৰ দ্ৰুত আৰোগ্যৰ বাবে প্ৰাৰ্থনা কৰে ৷ এই শ্ৰদ্ধাঞ্জলি অনুষ্ঠানত সামাজিক আৰু সাংস্কৃতিক কৰ্মী আৰু আধ্যাত্মিক সংগঠনৰ সদস্যসকলেও অংশগ্ৰহণ কৰে ৷ বাহানাগা চহৰৰ সৈতে গঠিত চোৰো খণ্ডৰ লোকসকলে মৃতকক শ্ৰদ্ধাঞ্জলি জনোৱাৰ বাবে সেৱা আৰু এক প্ৰাৰ্থনা সভাৰ আয়োজন কৰিছিল ৷
সোমবাৰে 11 দিনৰ দিনা বিশ্ব শান্তি মহা যজ্ঞ', অষ্টপ্ৰহাৰী নাম কীৰ্তন', অখণ্ড গায়ত্ৰী মন্ত্ৰ' সম্পন্ন কৰা হ'ব আৰু মঙলবাৰে সৎ সংগ আৰু মম বাতি লৈ গাঁওবাসীয়ে পদযাত্ৰা কৰিব ৷ এই অনুষ্ঠানৰ আয়োজক সমিতিৰ সদস্য জয়ক্ৰুষ্ণা চাৰাণ্ডীয়ে এই কথা সদৰী কৰে ৷
ইয়াৰোপৰি ভয়ংকৰ ৰে'ল দুৰ্ঘটনাত প্ৰাণ হেৰুওৱা লোকসকলৰ বাবে প্ৰায় 101 জন ব্ৰাহ্মণৰ উপস্থিতিত বিশ্বশান্তি মহাযজ্ঞ কৰা হ'ব ৷ ইয়াৰ উপৰিও, তেওঁলোকে এক কুইন্টল ঘিউ জ্বলাই 'যজ্ঞ' কাৰ্যসূচী ৰ আয়োজন কৰিব ৷
উল্লেখ্য যে, ওড়িশাৰ মুখ্য সচিব প্ৰদীপ কুমাৰ জেনাই ইয়াৰ পূৰ্বে কয় যে, বালাছোৰ ৰে'ল দুৰ্ঘটনাত মুঠ মৃত্যুৰ সংখ্যা 288 লৈ সংশোধন কৰা হৈছে । 288 টা মৃতদেহৰ ভিতৰত, 193 টা ভুৱনেশ্বৰলৈ প্ৰেৰণ কৰা হৈছিল, আৰু 94 টা মৃতদেহ বালাচোৰত হস্তান্তৰ কৰা হৈছিল ৷ ভদ্ৰক চিকিৎসালয়ত আঘাতপ্ৰাপ্ত হৈ চিকিৎসাধীন অৱস্থাত মৃত্যু হোৱা এজন ব্যক্তিৰ মৃতদেহ এজন আত্মীয়ক হস্তান্তৰ কৰা হয় ৷
ভুৱনেশ্বৰলৈ প্ৰেৰণ কৰা 193 টা মৃতদেহৰ ভিতৰত ১১০ জনক চিনাক্ত কৰা হৈছে আৰু ৮৩ টা এতিয়াও চিনাক্ত কৰিব পৰা নাই৷ পূব মধ্য ৰে'লৱেৰ বিভাগীয় ৰে'ল প্ৰৱন্ধক ৰিংকেশ ৰয়ে জনোৱা অনুসৰি ওড়িশাৰ বিভিন্ন চিকিৎসালয়ত এতিয়াও প্ৰায় 200 জন লোক চিকিৎসাধীন হৈ আছে ৷
স্মৰ্তব্য যে ৰে'ল মন্ত্ৰালয়ৰ মুখ্য তথ্য বিষয়া অমিতাভ শৰ্মাই কয় যে দুৰ্ঘটনাটোৰ কাৰণ এতিয়াও তদন্তৰ অধীনত আছে ৷ এই দুৰ্ঘটনাত ইলেকট্ৰনিক বিজুতি হৈছিল নে নাই সেয়া এতিয়াও নিশ্চিত কৰিব পৰা নাই ৷ এতিয়াই দুৰ্ঘটনাৰ কাৰণ সন্দৰ্ভত অধিক তথ্য বৰ্ণনা কৰাৰ পৰা বিৰত থাকে ৰে’ল বিষয়াগৰাকী ৷
লগতে পঢ়ক: Army Jawan Twitter video: তামিলনাডুৰ এগৰাকী সেনা জোৱানৰ চাঞ্চল্যকৰ ভিডিঅ'
