নিউজ ডেস্ক, ১৮ এপ্ৰিল : লণ্ডনৰ ভাৰতীয় উচ্চ আয়োগৰ ৰাষ্ট্ৰীয় পতাকা তললৈ নমাই খালিস্তানী পন্থী কৰ্মীয়ে কৰা প্ৰতিবাদৰ প্ৰায় এমাহ পিচত বিষয়টোৰ তদন্তৰ গোচৰ ৰাষ্ট্ৰীয় অনুসন্ধান সংস্থাই (National Investigation Agency, NIA) গ্ৰহণ কৰে । এক সূত্ৰত প্ৰকাশ পাইছে এই কথা । প্ৰাপ্ত তথ্য অনুসৰি, কেইদিনমান পূৰ্বে গৃহ মন্ত্ৰালয়ৰ (Ministry of Home Affairs) সন্ত্ৰাসবাদবিৰোধী আৰু মৌলবাদবিৰোধী (চিটিচিআৰ) বিভাগে গোচৰটো NIA-ক হস্তান্তৰ কৰিছিল (Indian mission attacked case in London to NIA) ।
সন্ত্ৰাসবাদবিৰোধী সংস্থাটোৱে গৃহ মন্ত্ৰালয়ৰ (MHA) নিৰ্দেশৰ ওপৰত ভিত্তি কৰি ইতিমধ্যে এফআইআৰ পঞ্জীয়ন কৰিছে আৰু ইয়াৰ তদন্ত আৰম্ভ কৰিছে (Indian Mission Attack in London) । সংস্থাটোৱে দিল্লী আৰক্ষীৰ পৰা এই গোচৰটো গ্ৰহণ কৰে । উল্লেখ্য, বেআইনী কাৰ্যকলাপ প্ৰতিৰোধ আইনৰ (Unlawful Activities Prevention Act, UAPA) অধীনত বিষয়টোত এখন এজাহাৰ পঞ্জীয়ন কৰা হৈছিল আৰু বৰ্তমান ইয়াৰ তদন্ত চলি আছে । গৃহ মন্ত্ৰালয়ে যোৱা সপ্তাহত ব্ৰিটেইনৰ প্ৰতিনিধিসকলৰ সৈতে হোৱা বৈঠকৰ পিচত গোচৰটো NIA-ক হস্তান্তৰ কৰাৰ সিদ্ধান্ত লোৱা বুলি সূত্ৰটোৱে ইংগিত দিয়ে ।
জানিব পৰা মতে, এজন উপ-মহা পৰিদৰ্শক পদবীৰ বিষয়াকে ধৰি NIA-ৰ এটা বিশেষ দলে "অতি সোনকালে" লণ্ডন ভ্ৰমণ কৰিব পাৰে । এক গোপন সূত্ৰত প্ৰকাশ পাইছে এই কথা । উল্লেখ্য যে, ১৯ মাৰ্চত বিচ্ছিন্নতাবাদীয়ে খালিস্তানী পতাকা উৰুৱাই, খালিস্তানী পন্থী শ্ল’গান দি থকা প্ৰতিবাদকাৰীৰ এটা দলে লণ্ডনত ভাৰতীয় উচ্চ আয়োগৰ ওপৰত উৰি থকা এখন ত্ৰিৰংগাক অৱমাননা কৰিছিল (pro khalistani attacked on London Indian High Commission) ।
খালিস্তানী পন্থীয়ে প্ৰতিবাদৰ সময়ত ৰাষ্ট্ৰীয় পতাকাখন তললৈ নমাই আনিছিল । ঘটনাটোৰ ভিডিঅ'বোৰত দেখা গৈছে যে কেইবাজনো প্ৰতিবাদকাৰীয়ে হালধীয়া আৰু ক'লা খালিস্তানৰ পতাকা লৈ আছিল আৰু উগ্ৰ শিখ প্ৰচাৰক আৰু খালিস্তানৰ সহানুভূতিশীল অমৃতপাল সিঙক ‘মুক্ত’ কৰিবলৈ আহ্বান জনাইছিল । এটা ভিডিঅ'ত দেখা যায় যে এজন প্ৰতিবাদকাৰীয়ে বাৰান্দাত উঠে আৰু আন লোকসকলৰ উল্লাসৰ মাজতে হাই কমিছনৰ সন্মুখৰ এটা খুঁটাৰ পৰা ভাৰতীয় পতাকাখন তললৈ টানি নমাই অনা হয় ।
ইয়াৰ পিচত ব্ৰিটিছ আৰক্ষী ঘটনাস্থলীত উপস্থিত হয় আৰু প্ৰতিবাদকাৰীসকলক ভাৰতীয় উচ্চ আয়োগৰ প্ৰৱেশদ্বাৰলৈ অহাত বাধা দিয়ে । প্ৰকাশিত ভিডিঅ'বোৰত প্ৰতিবাদকাৰীসকলে শ্ল’গান দিয়া আৰু ভাৰতীয় বিষয়াসকলক গালি-গালাজ কৰাটো পৰলক্ষিত হৈছে । উল্লেখ্য, কেন্দ্ৰই 2019 চনৰ আগষ্ট মাহত NIA আইন সংশোধন কৰে । এই সংশোধনৰ দ্বাৰা চাইবাৰ অপৰাধ আৰু মানৱ সৰবৰাহৰ উপৰি বিদেশত ভাৰতীয় আৰু ভাৰতীয় স্বাৰ্থৰ বিৰুদ্ধে সন্ত্ৰাসবাদী কাৰ্যকলাপৰ তদন্ত কৰিবলৈ সংস্থাটোক ক্ষমতা প্ৰদান কৰা হয় ।
লগতে পঢ়ক : Historian Irfan Habib on Assam CM; ৰাজনৈতিক আলোচনাত আটাইতকৈ বিষাক্ত ব্যক্তি হিমন্ত বিশ্ব শৰ্মা : ইৰফান হাবিব
