নিউজ ডেস্ক, ২৮ জুন : কোনো এটা কোম্পানীত সমূহীয়া স্বাস্থ্য বীমা আঁচনিয়ে (group health insurance policy) ৫ লাখ টকালৈকে সুৰক্ষা প্ৰদান কৰে । কিন্তু এজন কৰ্মচাৰীয়ে আন এটা আঁচনি লোৱা উচিত নেকি ? নে টপ-আপেই যথেষ্ট ? সমূহীয়া স্বাস্থ্য বীমা হৈছে কেৱল এক অতিৰিক্ত সুৰক্ষা । কাম কৰি থকাৰ সময়তহে ই উপযোগী । ইয়াক মুখ্য পলিচী হিচাপে চোৱাটো উচিত নহয় । সেয়েহে ইয়াৰ বাবে আপোনাৰ নিজাববীয়া এটা পলিচী লওক । ইয়াৰ ওপৰত টপ-আপ আঁচনি এখন ল'বলৈ চেষ্টা কৰক ।
এগৰাকী ৪৫ বছৰীয়া ব্যক্তিয়ে চাৰি বছৰ পূৰ্বে অনলাইনত ৫০ লাখ টকাৰ টাৰ্ম বীমা আঁচনি (term insurance policy) লৈছিল । বৰ্তমান তেওঁ ৫০ লাখ টকালৈকে আন এটা আঁচনি ল'ব পাৰিবনে ? তেওঁ প্ৰতিমাহে ৭৫,০০০ টকা লাভ কৰে । বীমা কোম্পানীবোৰে সাধাৰণতে পলিচীহ'ল্ডাৰৰ বয়সৰ ওপৰত নিৰ্ভৰ কৰি বাৰ্ষিক উপাৰ্জনৰ ১০-১২ গুণলৈকে ক'ভাৰেজ প্ৰদান কৰে । এই গণনালৈ লক্ষ্য কৰিলে উক্ত ব্যক্তিজনে আন ৫০ লাখ টকাৰ আঁচনি লোৱাত কোনো সমস্যা নাই ।
আপোনাৰ বাৰ্ষিক উপাৰ্জনৰ ১০-১২ গুণ বীমা থকাটো নিশ্চিত কৰিব । নতুন পলিচী এটা লোৱাৰ সময়ত পুৰণি পলিচীৰ বিৱৰণ, উপাৰ্জন আৰু স্বাস্থ্যৰ তথ্য জমা দিব লাগে । প্ৰিমিয়াম ৰিফাণ্ড পলিচীবোৰ যথেষ্ট ব্যয়বহুল । সেয়েহে ইয়াৰ সলনি নিয়মীয়া টাৰ্ম বীমা পলিচী এটা লওক । ভাল পেমেণ্ট হিষ্টৰী থকা কোম্পানী এটাৰ পৰা বীমা পলিচী এটা গ্ৰহণ কৰক ।
ছোৱালী এজনীৰ বয়স ১০ বছৰ । তেওঁৰ পিতৃ-মাতৃয়ে তেওঁৰ নামত প্ৰতিমাহে ১৫,০০০ টকালৈকে বিনিয়োগ কৰিব বিচাৰে । ১০ বছৰৰ বাবে বিনিয়োগ কৰিবলৈ কোনো উপযুক্ত পলিচী আছে নেকি ? কিমান জমা কৰিব লাগিব ? বৰ্তমান শিক্ষাৰ মুদ্ৰাস্ফীতি উচ্চ । আপুনি য'তেই বিনিয়োগ কৰে, মুদ্ৰাস্ফীতিৰ ব্যয় পূৰণ কৰিবলৈ আপুনি অধিক লাভ পোৱাটো নিশ্চিত কৰিব । ইয়াৰ বাবে বৈচিত্ৰ্যময় ইকুইটি মিউচুৱেল ফাণ্ড (Diversified equity mutual funds) বাছনি কৰিব পাৰি । যদি আপুনি গড়ে ১২ শতাংশ ৰিটাৰ্ণৰ সৈতে ১০ বছৰৰ বাবে প্ৰতিমাহে ১৫ হাজাৰ টকাৰ হাৰত বিনিয়োগ কৰে, ই প্ৰায় ৩১,৫৮,৭৭২ টকা হোৱাৰ সম্ভাৱনা আছে । বিনিয়োগ কৰাৰ পূৰ্বে শিশুৰ ভৱিষ্যতৰ প্ৰয়োজনীয়তাৰ বাবে পৰ্যাপ্ত সুৰক্ষা নিশ্চিত কৰিব । ইয়াৰ বাবে এটা টাৰ্ম পলিচী লওক ।
এটা পৰিয়ালে দুবছৰত ৫০ লাখ টকালৈকে গৃহ ঋণ ল'ব বিচাৰে । তেতিয়ালৈকে ধাৰণাটো হৈছে প্ৰতিমাহে ৮০ হাজাৰ টকা বিনিয়োগ কৰা । ইয়াৰ বাবে কেনে ধৰণৰ আঁচনি বাছনি কৰিব লাগে ? তেওঁলোকে বিপজ্জনক আঁচনিত বিনিয়োগ কৰাটো উচিত নহয় । কিয়নো মাত্ৰ দুবছৰৰ ম্যাদ আছে । নিশ্চিত কৰিব যে বিনিয়োগটো সুৰক্ষিত । ইয়াৰ বাবে বেংকত ৰেকাৰিং জমা বাছনি কৰাটো ভাল । গৃহ ঋণ লোৱাৰ সময়ত ঋণ ক'ভাৰ বীমা কৰিব নাপাহৰিব ।
এজন ক্ষুদ্ৰ ব্যৱসায়ীয়ে ৰাজহুৱা ভৱিষ্যনিধি, ডাকঘৰৰ মাহিলি সঞ্চয় আঁচনিৰ দৰে সুৰক্ষিত আঁচনি বাছনি কৰিব পাৰিবনে ? তেওঁলোকে প্ৰতিমাহে ৫ হাজাৰ টকালৈকে বিনিয়োগ কৰিব বিচাৰে । কমেও ১৫ বছৰৰ বাবে বিনিয়োগ কৰিবলৈ কি কৰা উচিত ? এই ক্ষেত্ৰত সুৰক্ষিত আঁচনিবোৰৰ সৈতে লোকচানৰ সামান্য আশংকা থকা আঁচনিবোৰ পৰীক্ষা কৰিব লাগে । ৰাজহুৱা ভৱিষ্যনিধিত (Public Provident Fund, PPF) ৫ হাজাৰ টকাৰ ভিতৰত ৩ হাজাৰ টকা জমা কৰক । বাকী ২ হাজাৰ টকা বৈচিত্ৰ্যপূৰ্ণ মিউচুৱেল ফাণ্ডত জমা কৰক । যদি আপুনি ১৫ বছৰৰ বাবে এনেদৰে বিনিয়োগ কৰে, গড়ে ১০ শতাংশ ৰিটাৰ্ণৰ সৈতে ১৯,০৬,৩৪৮ টকা লাভ কৰাটো সম্ভৱ ।
