নিউজ ডেস্ক, ২২ জুন : প্ৰধানমন্ত্ৰী নৰেন্দ্ৰ মোদীয়ে বুধবাৰে কয় যে ভাৰত আৰু আমেৰিকা যুক্তৰাষ্ট্ৰৰ মাজত অংশীদাৰিত্বই বহনক্ষম আৰু সামগ্ৰিক গোলকীয় বিকাশৰ অন্তৰালত চালিকা শক্তি হিচাপে কাম কৰিব । নেচনেল ছায়েন্স ফাউণ্ডেচনত 'স্কিলিং ফৰ ফিউচাৰ' অনুষ্ঠানত ভাষণ প্ৰদান কৰি প্ৰধানমন্ত্ৰী মোদীয়ে দুয়োখন দেশৰ মাজত উন্নয়নৰ গতি বৰ্তাই ৰাখিবলৈ প্ৰতিভাৰ পাইপলাইন গঢ়ি তোলাৰ প্ৰয়োজনীয়তাৰ ওপৰত গুৰুত্ব আৰোপ কৰে ।
-
#WATCH | "To maintain a growth momentum, India and the US need a pipeline of talent. On one hand, the US has top-class educational institutions & advanced technologies. On the other hand, India has the world's biggest youth factory. That is why, I belive that the India-US… pic.twitter.com/77MJzqI8zg
— ANI (@ANI) June 21, 2023 " class="align-text-top noRightClick twitterSection" data="
">#WATCH | "To maintain a growth momentum, India and the US need a pipeline of talent. On one hand, the US has top-class educational institutions & advanced technologies. On the other hand, India has the world's biggest youth factory. That is why, I belive that the India-US… pic.twitter.com/77MJzqI8zg
— ANI (@ANI) June 21, 2023#WATCH | "To maintain a growth momentum, India and the US need a pipeline of talent. On one hand, the US has top-class educational institutions & advanced technologies. On the other hand, India has the world's biggest youth factory. That is why, I belive that the India-US… pic.twitter.com/77MJzqI8zg
— ANI (@ANI) June 21, 2023
"ভাৰ্জিনিয়াৰ আলেকজেণ্ড্ৰিয়াত থকা নেচনেল ছায়েন্স ফাউণ্ডেচনত ভাষণ প্ৰদান কৰি মোদীয়ে কয় যে উন্নয়নৰ গতি বৰ্তাই ৰাখিবলৈ ভাৰত আৰু আমেৰিকা যুক্তৰাষ্ট্ৰক প্ৰতিভাৰ পাইপলাইনৰ প্ৰয়োজন । কিয়নো, এফালে আমেৰিকা যুক্তৰাষ্ট্ৰত শীৰ্ষস্থানৰ শিক্ষানুষ্ঠান আৰু উন্নত প্ৰযুক্তি আছে । আনহাতে, ভাৰতত আছে বিশ্বৰ সৰ্ববৃহৎ যুৱ কাৰখানা । সেয়েহে মই বিশ্বাস কৰোঁ ভাৰত-আমেৰিকা যুক্তৰাষ্ট্ৰৰ অংশীদাৰিত্ব হ'ব বহনক্ষম আৰু সামগ্ৰিক বিশ্বজনীন বিকাশৰ ইঞ্জিন ।" প্ৰধানমন্ত্ৰী মোদীয়ে কয় ।
ইয়াৰ পূৰ্বে বুধবাৰে প্ৰধানমন্ত্ৰী মোদী ৱাশ্বিংটন ডিচিত উপস্থিত হয় আৰু এয়াৰবেছত তেওঁক আনুষ্ঠানিকভাৱে আদৰণি জনোৱা হয় । তেওঁক 'গাৰ্ড অব অনাৰ'ও প্ৰদান কৰা হয় । আনহাতে, প্ৰধানমন্ত্ৰী মোদীয়ে বৃহস্পতিবাৰে এক ৰাষ্ট্ৰীয় নৈশভোজত অংশগ্ৰহণ কৰিব । এই নৈশভোজৰ বাবে তেওঁক আমেৰিকা যুক্তৰাষ্ট্ৰৰ ৰাষ্ট্ৰপতি জো বাইডেন আৰু ফাৰ্ষ্ট লেডী জিল বাইডেনে আমন্ত্ৰণ জনাইছে ।
আনহাতে, আমেৰিকান ফাৰ্ষ্ট লেডী জিল বাইডেনৰ সৈতে মোদীয়ে ভাৰ্জিনিয়াৰ আলেকজেণ্ড্ৰিয়াত থকা নেচনেল ছায়েন্স ফাউণ্ডেচন পৰিদৰ্শন কৰে । তাত তেওঁ দুয়োখন দেশৰ শিক্ষাৰ্থীসকলৰ সৈতে বাৰ্তালাপ কৰে ।
প্ৰধানমন্ত্ৰী মোদীয়ে কয় যে স্কিল ইণ্ডিয়াৰ অধীনত ভাৰতে কৃত্ৰিম বুদ্ধিমত্তা, ব্লকচেইন, ড্ৰোণ আৰু অন্যান্য ক্ষেত্ৰত ১৫ বিলিয়নতকৈও অধিক লোকক দক্ষ কৰি তুলিছে । তেওঁ লগতে কয় যে বিদ্যালয়সমূহত ভাৰত চৰকাৰে ১০,০০০ অটল টিঙ্কাৰিং লেব স্থাপন কৰিছে, য'ত শিশুসকলক উদ্ভাৱনত জড়িত হোৱাৰ সুবিধা প্ৰদান কৰা হৈছে । প্ৰধানমন্ত্ৰী মোদীয়ে আমেৰিকান শিক্ষাৰ্থীসকলক ভাৰতলৈ আহিবলৈ আহ্বান জনাই কয় যে আমেৰিকা যুক্তৰাষ্ট্ৰৰ শতাধিক শিক্ষক ইতিমধ্যে ভাৰতত আছে, তেওঁলোকে এক প্ৰযুক্তিগত অংশীদাৰিত্বত অংশগ্ৰহণ কৰিছে ।
