নেশ্যনেল ডেস্ক, ৬ জুলাই : দেশত প্ৰতিদিনে সংঘটিত হৈছে চাইবাৰ অপৰাধৰ (Cyber Crime) ঘটনা । শেহতীয়াকৈ চীনা পাৱাৰ বেংকে এক চাইবাৰ অপৰাধৰ জাল পাতিছে ভাৰতত । এদিনৰ ভিতৰতে ভাৰতীয় লোকৰ কোটি কোটি টকাৰ প্ৰৱঞ্চনা চীনা এপৰ (Chinese App)।
উত্তৰাখণ্ডৰ বিশেষ টাস্ক ফ'ৰ্চে (STF) চীনা 'পাৱাৰ বেংক এপৰ' সৈতে জড়িত এক প্ৰৱঞ্চনাৰ গোচৰত ই-ৱালেট পেটিএম (Paytm) আৰু ৰেজৰপে’ৰ(Razorpay) প্ৰতিনিধিসকলক চাইবাৰ আৰক্ষী থানালৈ মাতি সোধাপোছাৰ বাবে মাতিছে । ৩৬০ কোটি টকাৰ লুণ্ঠনৰ এই গোচৰ অনুসৰি কেইবাজনো লোক এটা ভুৱা আবেদনৰ চিকাৰ হৈছিল । অনুসন্ধানত এইটো প্ৰকাশ পাইছিল যে প্ৰৱঞ্চকসকলে হংকঙৰ পৰা পৰিচালিত এটা ম'বাইল এপৰ জৰিয়তে ভাৰতীয় গ্ৰাহকসকলক লক্ষ্য কৰি লৈছিল আৰু লেনদেনবোৰ সঠিক কেৱাইচি (KYC) অবিহনে কৰা হৈছিল আৰু এদিনৰ ভিতৰত কোটি কোটি টকা প্ৰৱঞ্চনা কৰা হৈছিল ।
ডেৰাডুন চাইবাৰ অপৰাধ আৰক্ষী থানাৰ এটা কাৰিকৰী দলে দাবী কৰা মতে 'পাৱাৰ বেংক এপ'(Power Bank App)ৰ জৰিয়তে অনলাইন পেমেণ্ট(Online Payment Service) সেৱাৰ দ্বাৰা চীনলৈ প্ৰেৰণ কৰা ধনখিনি ক্ৰিপ্টোকাৰেন্সীলৈ ৰূপান্তৰিত কৰা হৈছিল আৰু প্ৰৱঞ্চকৰ দলটোৱে হংকং আৰু চীনৰ এই অপৰাধ সংঘটিত কৰিছিল । লগতে প্ৰৱঞ্চনাৰ বাবে ব্যৱহাৰ কৰা আন কেইবাটাও এপ'ৰ তথ্য লাভ কৰিছে আৰক্ষীৰ দলটোৱে । উত্তৰাখণ্ড এছটিএফ (STF)ৰ মতে ১ জুনত বেংগালুৰুৰ চাইবাৰ অপৰাধ আৰক্ষী থানাত 'পাৱাৰ বেংক এপ' জালিয়াতিৰ সন্দৰ্ভত কিছুমান কোম্পানীৰ সঞ্চালকৰ বিৰুদ্ধে ৰেজৰপেৰ আইনী মুৰব্বীয়ে এটা গোচৰ ৰুজু কৰিছে ।
প্ৰতিষ্ঠানবোৰৰ ভিতৰত আছে এইচ এণ্ড এছ ভেঞ্চাৰচ ইনক (H&S Ventures Inc), ক্লিফৰ্ড ভেঞ্চাৰচ (Clifford Ventures), লৰফ্লাই টেকন'লজী প্ৰাইভেট লিমিটেড (Lorfly Technology PVT Ltd), বায়োছফ্ট ভেঞ্চাৰচ ইনক, মাওজাজা টেকন'লজী পিভিটি লিমিটেড, দিব্যাম ইনফ্ৰাকম পিভিটি লিমিটেড, ৩৬০ টিইকিউ ছফ্টৱেৰ প্ৰাইভেট লিমিটেড, চেণ্ট্ৰোনন ছলিউচন প্ৰাইভেট লিমিটেড, পাৰপলহুচ ছানি কমিউনিকেচন প্ৰাইভেট লিমিটেড আৰু শচীন মেপলিফ কমিউনিকেচন (অ'পিচি)।
এতিয়ালৈকে 'পাৱাৰ বেংক এপ' গোচৰৰ সন্দৰ্ভত জালিয়াতিৰ বাবে ৰাজ্যখনত প্ৰায় ৮ টা গোচৰ ৰুজু কৰা হৈছে । পঞ্জীয়ন কৰা এজাহাৰৰ ভিত্তিত এছটিএফে উত্তৰাখণ্ডৰ পৰা দুজন মূল অভিযুক্তক গ্ৰেপ্তাৰ কৰিছে । আনহাতে, গোচৰটোৰ সন্দৰ্ভত বাংগালুৰুৰ পৰা গ্ৰেপ্তাৰ কৰা ৪ জন আৰু দিল্লীৰ পৰা গ্ৰেপ্তাৰ কৰা ২ জনক ডেৰাডুনলৈ প্ৰেৰণ কৰা হৈছে ।
ইয়াৰ উপৰিও চাইবাৰ প্ৰৱঞ্চনা নেটৱৰ্কত জড়িত থকাৰ বাবে বাংগালুৰুৰ বাসিন্দা নাগাভূষণ আৰু তেওঁৰ পত্নী সুকন্যা নাগভূষণকো আদালতে জাননী প্ৰেৰণ কৰিছে । সামগ্ৰিকভাৱে সমগ্ৰ দেশৰ বিভিন্ন ৰাজ্যত প্ৰায় ২৫০ টা গোচৰ ৰুজু কৰা হৈছে আৰু ২০ জন লোকক গ্ৰেপ্তাৰ কৰা হৈছে । যিহেতু গোচৰটোত বিদেশী নাগৰিক আৰু কোম্পানী জড়িত আছে সেয়ে বিষয়টো ৰাষ্ট্ৰীয় সংস্থা ক্ৰমে কেন্দ্ৰীয় অনুসন্ধান ব্যুৰ' (CBI), চোৰাংচোৱা ব্যুৰ' (IB), এঞ্চফ'ৰ্চমেণ্ট ডিৰেক্টৰেট(ED)ৰ দ্বাৰা তদন্ত কৰি থকা হৈছে । আন্তৰ্জাতিক সংস্থাসমূহৰ সৈতেও যোগাযোগ কৰি আইনী সহায় লোৱাৰ প্ৰচেষ্টা অব্যাহত আছে ।
লগতে পঢ়ক :ই-কমাৰ্চ বিধি 2020: 21 জুলাইলৈ প্ৰকাশ কৰিব পাৰিব মন্তব্য
