নেশ্যনেল ডেস্ক, 7 অক্টোবৰ: ৰাখে হৰি মাৰে কোনে ! দুদিন পূৰ্বে উত্তৰাখণ্ডত এক ভয়ংকৰ দুৰ্ঘটনাৰ পৰা কথমপি ৰক্ষা পৰিল এখন যাত্ৰীবাহী ৰে’ল (Major accident averted)৷ ডেৰাডুন-অমৃতসৰ লাহোৰী এক্সপ্ৰেছখন দুৰ্ঘটনাত পতিত কৰাবলৈ কোনো দুৰ্বৃত্তই ৰে’লৰ ট্ৰেকত বান্ধি থৈছিল লোৰ পাইপ (Miscreants to iron pipe to rail track)৷
ঘটনাৰ বিৱৰণী অনুসৰি মঙলবাৰে নিশা 8.37 বজাত ডেৰাডুনৰ পৰা ডেৰাডুন-অমৃতসৰ লাহোৰী এক্সপ্ৰেছখন (Dehradun Amritsar Lahori Express)ৰাওনা হোৱাৰ সময়তে ৰে’লপথত কোনো দুৰ্বৃত্তই 20 ফুট দীঘল লোৰ পাইপ পুতি বান্ধি ৰাখে ৷
যেতিয়াৰ ৰে’লখনে ডইৱালা ষ্টেশ্যন পাৰ হৈ ২৬ আৰু ২৭ নম্বৰৰ ৰে'লৱে গেটৰ মাজভাগ পাইছিল তেতিয়াই ৰে’ল চালক গৰাকীয়ে এডাল দীঘল লোৰ পাইপ পৰি থকা প্ৰত্যক্ষ কৰিছিল ৷ সৌভাগ্যক্ৰমে ৰে’লখন 35 কিলোমিটাৰ বেগত থকাৰ বাবে চালকজনে জৰুৰীকালীন ব্ৰেক প্ৰয়োগ কৰি ৰে’লখন ৰখাই দিবলৈ সক্ষম হয় ৷
ৰে'লৱেৰ জ্যেষ্ঠ শাখা অভিযন্তা ৰাকেশ চান্দে এই ঘটনাটোৰ সন্দৰ্ভত কয় যে দুৰ্বৃত্তই ইচ্ছাকৃতভাৱে লোৰ পাইপৰ এটা অংশ ৰে’লপথত বান্ধি দিয়াৰ লগতে পাইপৰ আনটো মূৰ গছৰ শিপাত বান্ধি থৈ দিছিল ৷ এই ঘটনাৰ অৱগত হোৱাৰ লগে লগে যাত্ৰীসকলৰ মাজতো হুৱা-দুৱাৰ সৃষ্টি হয় ৷
ঘটনাস্থলীত আৰক্ষীৰ লগতে ৰে'লৱে, আৰপিএফ আৰু জিআৰপিৰ বিষয়াসকলকে ধৰি বিভাগৰ লোক উপস্থিত হয় ৷ প্ৰায় 40 মিনিটৰ প্ৰচেষ্টাৰ পিছত ৰে’লৱে বিভাগৰ লোকে পাইপডাল আঁতৰাবলৈ সক্ষম হয় ৷ ইতিমধ্যে এই ঘটনাক লৈ তদন্ত অব্যাহত ৰাখিছে আৰক্ষীয়ে ৷
লগতে পঢ়ক: দিল্লী বিমান বন্দৰত জব্দ ২৭ কোটিটকীয়া ঘড়ী
