জম্মু-কাশ্মীৰৰ পুলৱামাত নিৰাপত্তাৰক্ষীৰ গুলিত নিহত আতংকবাদী

জম্মু-কাশ্মীৰত নিৰাপত্তাৰক্ষী আৰু আতংকবাদীৰ মাজত হোৱা সংঘৰ্ষত নিহত এজন আতংকবাদী ৷ আতংকবাদীৰ নিৰ্বিচাৰ গুলিচালনাত দুজনকৈ নিৰাপত্তাৰক্ষী আহত হয় ৷

নেশ্য়নেল ডেস্ক,6 নৱেম্বৰ:জম্মু-কাশ্মীৰৰ পুলৱামা জিলাত নিৰাপত্তাৰক্ষী আৰু আতংকবাদীৰ মাজত গোটেই নিশা হোৱা সংঘৰ্ষত এজন আতংকবাদী নিহত হয় ৷ বৃহস্পতিবাৰে দক্ষিণ কাশ্মীৰৰ লালপোৰা এলেকাৰ পাম্পোৰৰ আতংকবাদীৰে গিজগিজাই থকা ঠাইত নিৰাপত্তাৰক্ষীয়ে তালাচী অভিযান আৰম্ভ কৰিছিল ৷ অভিযানত আতংকবাদীয়ে নিৰ্বিচাৰ গুলিচালনা কৰে ৷ গুলিচালনাত দুজনকৈ নিৰাপত্তাৰক্ষী আহত হয় ৷ আহত নিৰাপত্তাৰক্ষী দুজনক ততাতৈয়াকৈ হাস্পতালত ভৰ্তি কৰোৱা হয় বুলি আৰক্ষীয়ে জানিবলৈ দিয়ে ৷ শুকুৰবাৰে ৰাতিপুৱা নিৰাপত্তাৰক্ষীৰ গুলিত এজন আতংকবাদী নিহত হয়,লগতে নিহত আতংকবাদীজন কোন সংগঠনৰ তাক চিনাক্ত কৰা হৈছে বৰ্তমানেও অভিযান চলি আছে বুলিও বিভাগীয় কৰ্তৃপক্ষই জনাইছে ৷

লগতে পঢ়ক: আজিৰ দিনটোৰ কেইটামান বিশেষ ৰাষ্ট্ৰীয় কাৰ্যসূচী