নিউজ ডেস্ক, 9 নৱেম্বৰ: বিগত মাহত ভাৰতীয় নৌসেনাৰ ৮ গৰাকী প্ৰাক্তন জোৱানক কাটাৰৰ আদালতে দিয়া মৃত্যুদণ্ডৰ বিৰুদ্ধে আবেদন দাখিল কৰা হৈছে বুলি বৈদেশিক পৰিক্ৰমা মন্ত্ৰালয়ে প্ৰকাশ কৰিছে। বৈদেশিক পৰিক্ৰমা মন্ত্ৰণালয়ৰ মুখপাত্ৰ অৰিন্দম বাগচিয়ে কয় যে মঙলবাৰে ডোহাত থকা ভাৰতীয় দূতাবাসে আটকাধীন ভাৰতীয়সকলৰ সৈতে আন এক কনছুলাৰ প্ৰৱেশাধিকাৰ লাভ কৰিছে আৰু নতুন দিল্লীয়ে তেওঁলোকক সকলো আইনী আৰু কনছুলাৰ সমৰ্থন আগবঢ়াই যাব বুলি কয় ।
ভাৰতীয় নৌসেনাৰ প্রাক্তন আঠজন জোৱানক ২৬ অক্টোবৰত কাটাৰৰ প্রথম পর্যায়ৰ আদালতে মৃত্যুদণ্ড প্রদান কৰিছিল ৷ ভাৰতে এই ৰায়ক “গভীৰভাৱে” চাঞ্চল্যকৰ বুলি অভিহিত কৰি এই গোচৰৰ সকলো আইনী বিকল্পৰ সন্ধান কৰাৰ প্ৰতিশ্ৰুতি দিয়ে ।
সংবাদ মাধ্যমক দিয়া বিবৃতিত বাগচিয়ে কয় যে এই গোচৰত ইতিমধ্যে আবেদন দাখিল কৰা হৈছে ৷ ব্যক্তিগত কোম্পানী আল দাহৰাৰ সৈতে কাম কৰা ভাৰতীয় নাগৰিকসকলক যোৱা বছৰৰ আগষ্ট মাহত চোৰাংচোৱাগিৰিৰ অভিযোগত গ্ৰেপ্তাৰ কৰা হৈছিল বুলি জানিব পৰা গৈছে ।
