Manipur 2nd Phase polling: মণিপুৰৰ ভোটাৰলৈ প্ৰধানমন্ত্ৰীৰ বিশেষ আহ্বান...

মণিপুৰৰ ৬ খন জিলাত শনিবাৰে অনুষ্ঠিত হৈছে দ্বিতীয় তথা অন্তিম পৰ্যায়ৰ ভোটগ্ৰহণ প্ৰক্ৰিয়া (Manipur election 2nd Phase polling)। পুৱাৰে পৰা ভোটগ্ৰহণ কেন্দ্ৰত ভোটাৰৰ দীঘলীয়া শাৰী । ইয়াৰ মাজতে প্ৰধানমন্ত্ৰী মোডীয়ে টুইটযোগে ভোটাৰসকলক বিশেষ আহ্বান জনাইছে ।

নেশ্যনেল ডেস্ক,৫ মাৰ্চ : মণিপুৰৰ বিধানসভা নিৰ্বাচনৰ (Manipur assembly election 2022) দ্বিতীয় তথা অন্তিম পৰ্যায়ৰ ভোটগ্ৰহণ শনিবাৰে পুৱা ৭ বজাৰ পৰা আৰম্ভ হৈছে । ৬ খন জিলাৰ ২২ টা সমষ্টিত অনুষ্ঠিত হৈছে এই ভোটগ্ৰহণ । নিৰ্বাচনৰ লগতে সংগতি ৰাখি মণিপুৰৰ ৰাইজক উদ্দেশ্যি প্ৰধানমন্ত্ৰী নৰেন্দ্ৰ মোডীৰ বিশেষ টুইট । প্ৰধানমন্ত্ৰীগৰাকী সকলো লোককে ভোটগ্ৰহণৰ বাবে ওলাই আহিবলৈ আহ্বান জনায় । গণতন্ত্ৰৰ উৎসৱ হিচাপে এই নিৰ্বাচনক প্ৰতিফলিত কৰিবলৈও প্ৰধানমন্ত্ৰীগৰাকীয়ে আহ্বান জনায় ।

• Today is the second phase of the Manipur Assembly elections. Calling upon all those whose constituencies are polling today to vote in large numbers and mark the festival of democracy.

  — Narendra Modi (@narendramodi) March 5, 2022 " class="align-text-top noRightClick twitterSection" data="

  Today is the second phase of the Manipur Assembly elections. Calling upon all those whose constituencies are polling today to vote in large numbers and mark the festival of democracy.

  — Narendra Modi (@narendramodi) March 5, 2022

  ">

  Today is the second phase of the Manipur Assembly elections. Calling upon all those whose constituencies are polling today to vote in large numbers and mark the festival of democracy.

  — Narendra Modi (@narendramodi) March 5, 2022

জানিব পৰা মতে পুৱা ৯ বজালৈকে প্ৰায় ১১.৪০ শতাংশ ভোটদান সম্পন্ন হৈছে । আনহাতে পুৱা ৭ বজাৰ পূৰ্বেই বহু ভোটকেন্দ্ৰত লোকসকলে ভোটদানৰ বাবে ভিৰ কৰে । প্ৰতিটো ভোটকেন্দ্ৰতে কটকটীয়া নিৰাপত্তা বেষ্টনী গঢ়ি তোলা হৈছে । এতিয়ালৈ কোনো নিৰ্বাচনকেন্দ্ৰিক হিংসা বা অপ্ৰীতিকৰ ঘটনাৰ খবৰ অহা নাই । প্ৰতিটো ভোটকেন্দ্ৰত ক'ভিডৰ নীতি-নিয়মসমূহ পালন কৰা হৈছে । আবেলি ৪ বজালৈ চলিব এই ভোটদান প্ৰক্ৰিয়া ।

মণিপুৰৰ বিধানসভা নিৰ্বাচন

নিৰ্বাচনী বিষয়াই জনোৱা মতে থৌবাল, জিৰিবাম, চান্দেল, উখৰুল, সেনাপতি আৰু তামেংলং জিলাত অনুষ্ঠিত দ্বিতীয় পৰ্যায়ৰ ভোটগ্ৰহণত ২০,০০০ তকৈও অধিক কেন্দ্ৰীয় অৰ্ধসামৰিক বাহিনীৰ জোৱান মোতায়েন কৰা হৈছে ।

ইফালে মণিপুৰৰ মুখ্য নিৰ্বাচনী বিষয়া ৰাজেশ আগৰৱালে জনোৱা মতে ৬ খন জিলাৰ ১,২৪৭ টা ভোটকেন্দ্ৰত ৪,৯৮৮ গৰাকী ভোটগ্ৰহণ কৰ্মী নিয়োগ কৰা হৈছে । মুঠ ৮,৩৮,৭৩০ গৰাকী ভোটাৰে দ্বিতীয় পৰ্যায়ত দুগৰাকী মহিলাকে ধৰি ৯২ গৰাকী প্ৰাৰ্থীৰ ভাগ্য নিৰ্ণয় কৰিব ।

লগতে পঢ়ক :Manipur Election 2022 : আজি মণিপুৰত ভাগ্য নিৰ্ণয় হ’ব 92 গৰাকী প্ৰাৰ্থীৰ ভাগ্য