নেশ্য়নেল ডেস্ক, ৬ অক্টোবৰ: দিল্লীৰ মুখ্যমন্ত্ৰী অৰবিন্দ কেজৰিৱালে (Delhi CM Arvind Kejriwal) বৃহস্পতিবাৰে লেফটেনেণ্ট গভৰ্ণৰ বিনয় কুমাৰ ছাক্সেনাক (Lieutenant Governor Vinai Kumar Saxena) উদ্দেশ্য়ি কয় যে ছাক্সেনাই তেওঁক পত্নীতকৈ বেছি গালি দিয়ে । তেওঁ কেনেদৰে তেওঁক "প্ৰেম পত্ৰ" প্ৰেৰণ কৰে সেই বিষয়ে এনেদৰে উল্লেখ কৰে ।
কেজৰিৱালে হিন্দীত টুইট কৰা (Kejriwal tweeted in Hindi)কথাখিনিৰ অৰ্থ হৈছে,"আনকি মোৰ পত্নীয়েও মোক সিমান গালি নিদিয়ে যিমান এলজি চাহেবে মোক প্ৰতিদিনে গালি দিয়ে। যোৱা ছয় মাহত মোৰ পত্নীয়ে মোক এলজি চাহেবৰ দৰে ইমান প্ৰেমপত্ৰ লিখা নাই । এলজি চাহেব অলপ ঠাণ্ডা হওক । লগতে আপোনাৰ ছুপাৰ বছকো অলপ ঠাণ্ডা কৰিবলৈ কওক ।"
উল্লেখ্য় যে, এই সপ্তাহৰ আৰম্ভণিতে লেফটেনেণ্ট গৱৰ্ণৰে কেজৰিৱাললৈ এখন পত্ৰ লিখিছিল । মহাত্মা গান্ধী আৰু লাল বাহাদুৰ শাস্ত্ৰীৰ জন্ম জয়ন্তীত দেওবাৰে ৰাজ ঘাট আৰু বিজয় ঘাটত অনুপস্থিত থকা বাবে তেওঁৰ লগতে চৰকাৰক সমালোচনা কৰিছিল ।
লেফটেনেণ্ট গৱৰ্ণৰে কেজৰিৱাললৈ লিখিছিল,"বেদনা,দুখ আৰু হতাশাৰ গভীৰ অনুভূতিৰে মই আপোনাৰ দৃষ্টি আকৰ্ষণ কৰিছো যে, আপুনি আৰু আপোনাৰ নেতৃত্বত চৰকাৰে কালি গান্ধী জয়ন্তী আৰু লাল বাহাদুৰ শাস্ত্ৰীজীৰ স্মৰণীয় অনুষ্ঠানত প্ৰদৰ্শন কৰা সম্পূৰ্ণ অৱজ্ঞাৰ প্ৰতি মই আপোনাৰ দৃষ্টি আকৰ্ষণ কৰিছো ।"
তোওঁ পুনৰ পত্ৰখনত উল্লেখ কৰে,"মই উল্লেখ কৰিবলৈ বাধ্য যে কালি ৰাজ ঘাট বা বিজয় ঘাটত আপুনি বা আপোনাৰ কোনো মন্ত্ৰী উপস্থিত নাছিল । আনকি ৰাষ্ট্ৰপতি, উপ-ৰাষ্ট্ৰপতি,প্ৰধানমন্ত্ৰী, লোকসভাৰ অধ্যক্ষ আৰু সকলো দলৰ আন কেইবাজনো শীৰ্ষ ৰাজনৈতিক নেতা, ভাৰতৰ বিদেশী মিছনৰ প্ৰতিনিধি আৰু দিল্লীৰ সাধাৰণ বাসিন্দা সকল উপস্থিত আছিল । বাপু আৰু শাস্ত্ৰীজীক শ্ৰদ্ধাঞ্জলি জনাবলৈ বিনম্ৰভাৱে একত্ৰিত হৈছিল । যেতিয়া উপ-মুখ্যমন্ত্ৰী (মনীষ ছিছোদিয়া) তাত কেইমিনিটমানৰ বাবে উপস্থিত আছিল । তেওঁ এই অনুষ্ঠানটো তেওঁৰ বাবে উপযুক্ত বুলি বিবেচনা কৰা নাছিল ।"
"এই অনুপস্থিতিক অধিক অগ্ৰহণযোগ্য আৰু ভয়ংকৰ কৰিছে যে ৰাষ্ট্ৰপতি আৰু উপ-ৰাষ্ট্ৰপতিক মুখ্যমন্ত্ৰীৰ অনুমোদনৰ পিছত কাৰ্যসূচীৰ বাবে যথাযথভাৱে আমন্ত্ৰণ জনোৱা হৈছিল । দিল্লী চৰকাৰৰ পৰা আমন্ত্ৰণ গ্ৰহণ কৰি ৰাষ্ট্ৰপতিৰ সচিবালয়ে তেওঁৰ সচিবৰ জৰিয়তে মুখ্যমন্ত্ৰীক স্পষ্টভাৱে অৱগত কৰিছিল যে মুখ্যমন্ত্ৰীয়ে কাৰ্যসূচীত উপস্থিত থাকিব আৰু বিজয় ঘাটত ৰাষ্ট্ৰপতিক অভ্যৰ্থনা কৰিব বুলি আশা কৰা হৈছিল ।" লেফটেনেণ্ট গভৰ্ণৰে এনেদৰে পত্ৰখনত লিখিছে ।
লগতে পঢ়ক:বালিৰ বিশ্ব বিখ্যাত উলুৱতু মন্দিৰ পৰিদৰ্শন লোকসভাৰ অধ্যক্ষ ওম বিৰলাৰ
