নতুন দিল্লী, ১৪ ডিচেম্বৰ : প্ৰতিৰক্ষা মন্ত্ৰী ৰাজনাথ সিঙে প্ৰকাশ কৰা এক মন্তব্য অনুসৰি পূৱ লাডাখৰ ভাৰত চীন নিয়ন্ত্ৰণ ৰেখাত থকা ভাৰতীয় সেনাবাহিনীয়ে চীনৰ পি এল এৰ আগ্ৰাসনক অতি সাহসিকতাৰে ৰোধ কৰিছিল ৷ চীনা সৈন্যৰ আগ্ৰাসনৰ সময়ত ভাৰতীয় সৈন্যই বাধাৰ প্ৰাচীৰ হিচাপে ঠিয় দিছিল ৷ তেওঁলোকক ভাৰত সীমান্তৰ পৰা আঁতৰি যাবলৈ বাধ্য কৰাইছিল ৷
FICCIৰ উদ্যোগিক শাখাৰ বাৰ্ষিক অধিবেশনত ভাগ লৈ প্ৰতিৰক্ষামন্ত্ৰী ৰাজনাথে সিঙে কয় যে, কি ভাৱে ভাৰতীয় সৈন্যই চীনা সৈন্যৰ আগ্ৰাসন ৰোধ কৰিছিল ৷ তেওঁ প্ৰকাশ কৰে ভাৰতৰ হিমালয় সীমান্তৰ অপ্ৰকাশিত আগ্ৰাসন আৰু বিশ্ব কিভাৱে পৰিৱৰ্তিত হৈছে, সীমামূৰীয়া ৰাষ্ট্ৰৰ সৈতে থকা ভাৰতৰ চুক্তিসমূহ কেনেকৈ প্ৰত্যাহ্বান হৈ পৰিছে ৷
ভাৰতীয় সৈন্যই অত্যন্ত সাহসিকতাৰে যুঁজ দিছিল চীনৰ পিপুলছ লিবাৰেশ্যন আৰ্মীৰ সৈতে আৰু তেওঁলোকক উভতি যাবলৈ বাধ্য কৰাইছিল ৷ দেশবাসীৰ বাবে অতি গৌৰৱৰ কাৰণ হোৱা ভাৰতীয় সৈন্যক লৈ আমি গৰ্বিত-এইদৰে কয় প্ৰতিৰক্ষামন্ত্ৰী গৰাকীয়ে ৷
