তেজপুৰ,১৬ নৱেম্বৰ : ভাৰতীয় বায়ুসেনাৰ গ্ৰুপ কেপ্টেইন জয় কিষাণক সন্মানীয় টেনজিং নৰগে আজীৱন ৰাষ্ট্ৰীয় পৰ্বতাৰোহন বঁটা প্ৰদান কৰা হৈছে ৷ তেওঁৰ জীৱনকালৰ কৃতিত্বৰ বাবে এই সন্মান জনোৱা হৈছে । এজন সশস্ত্ৰ বাহিনীৰ বিষয়াই প্ৰথমবাৰৰ বাবে এই বঁটা লাভ কৰিছে । প্ৰতিৰক্ষা বিভাগৰ মুখপাত্ৰ উইং কামাণ্ডাৰ শ্ৰীপ্ৰকাশে কয় যে ,বায়ুসেনা বিষয়া গৰাকীক এই বঁটা ভাৰতৰ ৰাষ্ট্ৰপতি ৰামনাথ কোৱিন্দে এক অনুষ্ঠান যোগে প্ৰদান কৰিছে ।
উল্লেখযোগ্য যে, ইয়াৰ পূৰ্বে 2010 চনত তেওঁ মাউণ্ট এভাৰেষ্টৰ (mount everest) পৰা স্কাই ডাইভিং(Sky Diving) কৰি বিশ্ব ৰেকৰ্ড স্থাপন কৰাৰ বাবে ARO Sports Category ৰ বাবে বঁটা লাভ কৰিছিল । গ্ৰুপ কেপ্টেইন জয় কিষাণ বৰ্তমান হিমালয়ান মাউণ্টেৰিঙৰ অধ্যক্ষ হিচাপে নিযুক্ত হৈ আছে, যি হৈছে দাৰ্জিলিঙৰ এটা পৰ্বতাৰোহণ প্ৰতিষ্ঠান ।
তেওঁৰ নামত সম্প্ৰতি ছটাকৈ ৰেকৰ্ড আছে, এটা এডভেঞ্চাৰ স্পৰ্টছৰ ক্ষেত্ৰত এছিয়ান ৰেকৰ্ড আৰু ছয়টা ৰাষ্ট্ৰীয় অভিলেখ । বিগত বিশ বছৰত ভাৰতৰ লগতে বিদেশতো তেওঁ 2000 তকৈও অধিক পেৰাচুট জাম্প কৰি অভিলেখ গঢ়িছে । তেওঁ বিশ হাজাৰৰো অধিক পেৰা জাম্পাৰক প্ৰশিক্ষণ দিছে ৷ তেওঁৰ ব্যক্তিগত কৃতিত্বৰ উপৰিও তেওঁ দুঃসাহসিক ক্ৰীড়া অনুসৰণ কৰিবলৈ যুৱসকলকো অনুপ্ৰাণিত কৰি আহিছে ৷
লগতে পঢ়ক : HSLC Exam : ২৫ নৱেম্বৰৰ পৰা অনলাইন প্ৰ-পত্ৰ পূৰণ
