নেশ্যনেল ডেস্ক, ৯ ছেপ্টেম্বৰ : আজিৰে পৰা দুদিনীয়া কাৰ্যসূচীৰে দিল্লীত অনুষ্ঠিত হ’ব ১৮ সংখ্যক G20 সন্মিলন ৷ গোটেই বছৰজুৰি মন্ত্ৰী, জ্যেষ্ঠ বিষয়া আৰু নাগৰিক সমাজৰ মাজত অনুষ্ঠিত হৈ অহা এই শীৰ্ষ সন্মিলনত G20 ৰ সকলো প্ৰক্ৰিয়া আৰু বৈঠকৰ সামৰণি পৰিব ৷ এই সন্মিলনত বিশ্বৰ প্ৰভাৱশালী নেতাসকলৰ উপস্থিত থাকিব ৷
বিশেষকৈ এই সন্মিলনত ইউৰোপীয় সংঘ আৰু আমন্ত্ৰিত অতিথি দেশৰ ৩০ জনতকৈ অধিক ৰাষ্ট্ৰপতি আৰু শীৰ্ষ বিষয়া, আন্তঃৰাষ্ট্ৰীয় সংস্থাৰ ১৪ গৰাকী মুৰব্বীয়ে অংশগ্ৰহণ কৰিব । G20 ৰ সন্মিলনৰ বাবে ইতিমধ্যে সকলো সাজু হৈছে ৷ শুল্ক অনুসৰি G20 শীৰ্ষ সন্মিলনৰ সামৰণিত G20 নেতাই ঘোষণা পত্ৰ গ্ৰহণ কৰা হ’ব ।
G20 ৰ ২০ খন দেশ হৈছে - আৰ্জেণ্টিনা, অষ্ট্ৰেলিয়া, ব্ৰাজিল, কানাডা, চীন, ফ্ৰান্স, জাৰ্মানী, ভাৰত, বাংলাদেশ, ইণ্ডোনেছিয়া, ইটালী, জাপান, কোৰিয়া গণৰাজ্য, মেক্সিকো, ৰাছিয়া, চৌদি আৰব, দক্ষিণ আফ্ৰিকা, তুৰ্কী, ইউনাইটেড ষ্টেট আৰু আমেৰিকা আৰু ইউৰোপীয় সংঘ ৷
G20 সন্মিলনৰ উদ্বোধনী অনুষ্ঠান ভাৰত মণ্ডপামত আয়োজন কৰা হৈছে ৷ পুৱা ৯.৩০ বজাৰ পৰা সভাস্থলীত (ভাৰত মণ্ডপম) বিশ্বৰ নেতাসকলৰ আগমনৰ লগে লগে এই সন্মিলনৰ কাৰ্যসূচী আৰম্ভ হ’ব । প্ৰায় ১০.৩০ বজাত G20 ৰ শীৰ্ষ সন্মিলনৰ প্ৰথমখন অধিৱেশন অনুষ্ঠিত হ’ব । G20 ৰ নেতা সন্মিলনৰ অধিবেশনৰ সময়ত আলোচনাৰ অন্যতম মূল বিষয় হ’ব ‘‘ৱান আৰ্থ’’ ।
এই অধিৱেশনত বৰ্ধিত প্ৰশমনৰ জৰিয়তে জলবায়ুৰ ব্যৱস্থা ত্বৰান্বিত কৰা আৰু যিমান পাৰি সোনকালে বিশ্বব্যাপী নিকা শূন্য নিৰ্গমনৰ কাৰ্যসূচী শক্তিশালী কৰাৰ ওপৰত গুৰুত্ব আৰোপ কৰা হ’ব । উল্লেখযোগ্য যে, ভাৰতৰ সভাপতিত্বত অনুষ্ঠিত এইবাৰৰ G20 সন্মিলনৰ বিষয়বস্তু হৈছে “বসুধৈৱ কুটুম্বকম” বা “এক পৃথিৱী, এক পৰিয়াল, এক ভৱিষ্যত” । শীৰ্ষ সন্মিলনৰ অংশ হিচাপে ‘‘এক পৃথিৱী’’ অধিৱেশনৰ সামৰণিৰ অন্তত দুপৰীয়াৰ আহাৰ গ্ৰহণৰ পিচত ৩.০০ বজাত ‘‘এক পৰিয়াল’’ৰ আন এক অধিৱেশন অনুষ্ঠিত হ’ব ।
লগতে পঢ়ক : G20 Summit 2023 : G20 সন্মিলনৰ বাবে সাজু নতুন দিল্লী; আলোক সজ্জাৰে সজ্জিত কৰা হৈছে ৰাজধানী চহৰক
শনিবাৰে সন্ধিয়া প্ৰায় ৭:০০ বজাত ভাৰতৰ ৰাষ্ট্ৰপতি দ্ৰৌপদী মুৰ্মূৰ দ্বাৰা আয়োজিত ৰাতিৰ আহাৰ গ্ৰহণ কৰা হ’ব । বৰ্তমানৰ কেবিনেটত বিদেশী প্ৰতিনিধি সংসদ সদস্য আৰু মন্ত্ৰীসকলৰ উপৰিও G20 ৰ শীৰ্ষ সন্মিলনৰ ৰাতিৰ আহাৰ গ্ৰহণত দেশৰ একাংশ প্ৰাক্তন জ্যেষ্ঠ নেতায়ো অংশগ্ৰহণ কৰিব ।
দেশৰ ৰাজধানী চহৰত অনুষ্ঠিত হ’বলগীয়া এই অনুষ্ঠানত অংশগ্ৰহণ কৰিবলৈ যোৱা গুৰুত্বপূৰ্ণ নেতাসকলৰ ভিতৰত আছে আমেৰিকাৰ ৰাষ্ট্ৰপতি জ’ বাইডেন, ব্ৰিটিছ প্ৰধানমন্ত্ৰী ঋষি সুনাক, ছৌদি ক্ৰাউন প্ৰিন্স মহম্মদ বিন ছালমান, কানাডাৰ প্ৰধানমন্ত্ৰী জাষ্টিন ট্ৰুডো, জাপানৰ প্ৰধানমন্ত্ৰী ফুমিঅ’ কিছিদা ।
উল্লেখযোগ্য যে, চীনৰ ৰাষ্ট্ৰপতি ছি জিনপিং আৰু ৰাছিয়াৰ ৰাষ্ট্ৰপতি ভ্লাদিমিৰ পুটিনে এই শীৰ্ষ সন্মিলনত অংশগ্ৰহণ নকৰে । এই শীৰ্ষ সন্মিলনত অৱশ্যে চীনক প্ৰতিনিধিত্ব কৰিব চীনৰ প্ৰধানমন্ত্ৰী লি কিয়াঙে আৰু ৰাছিয়াক প্ৰতিনিধিত্ব কৰিব ৰাছিয়াৰ বৈদেশিক মন্ত্ৰী চাৰ্গেই লাভৰভে ।
ভাৰতৰ পৰম্পৰা আৰু শক্তিক চিত্ৰিত কৰাৰ বাবে ব্যাপক প্ৰস্তুতি চলোৱা হৈছে । ভাৰতৰ লক্ষ্য হৈছে আফ্ৰিকান ইউনিয়নক G20 ৰ সদস্য হিচাপে সংযোজন আৰু ইউক্ৰেইনৰ যুদ্ধৰ সৈতে জড়িত যৌথ বিবৃতি সন্দৰ্ভত মতানৈক্য সমাধানৰ এটা নিৰ্দিষ্ট লক্ষ্যত উপনীত হোৱা ।
ভাৰতৰ অধ্যক্ষতাত অনুষ্ঠিত এইবাৰৰ সন্মিলনত সৰ্বাংগীন বৃদ্ধি, ডিজিটেল উদ্ভাৱন, জলবায়ুৰ স্থিতিস্থাপকতা আৰু সমতাপূৰ্ণ বিশ্ব স্বাস্থ্য প্ৰৱেশৰ দৰে বিভিন্ন বিষয়ত গুৰুত্ব আৰোপ কৰা হৈছে । বিশ্বৰ প্ৰতিখন দেশৰ ৰাষ্ট্ৰপতিৰ সহায় লৈ ভাৰতে এনে সহযোগিতামূলক সমাধানৰ পোষকতা কৰিছে, যিয়ে নিজৰ জনসংখ্যাক উপকৃত কৰাৰ লগতে বহল বিশ্ব মংগলত অৰিহণা যোগায় ।
শনিবাৰৰ পৰা আৰম্ভ হ’বলগীয়া G20সন্মিলনৰ বাবে দিল্লীত উপস্থিত হোৱা নেতাসকলক উষ্ম আদৰণি জনোৱা হয় ৷ প্ৰধানমন্ত্ৰী নৰেন্দ্ৰ মোদীয়ে বিশ্বৰ নেতাসকলৰ সমাৱেশে মানৱকেন্দ্ৰিক আৰু সৰ্বাংগীন উন্নয়নৰ এক নতুন পথ ৰচনা কৰিব বুলি আস্থা প্ৰকাশ কৰে ।
ৰাজধানীত উপস্থিত হোৱা নেতাসকলৰ ভিতৰত আছে আমেৰিকাৰ ৰাষ্ট্ৰপতি জ’ বাইডেন, ব্ৰিটেইনৰ প্ৰধানমন্ত্ৰী ঋষি সুনাক, বাংলাদেশৰ প্ৰধানমন্ত্ৰী শ্বেখ হাছিনা, ইটালীৰ প্ৰধানমন্ত্ৰী জৰ্জিয়া মেলোনি, আৰ্জেণ্টিনাৰ ৰাষ্ট্ৰপতি আলবাৰ্টো ফাৰ্ণাণ্ডেজ আৰু জাপানৰ প্ৰধানমন্ত্ৰী ফুমিঅ’ কিছিডা ।
ইতিমধ্যে দক্ষিণ আফ্ৰিকাৰ ৰাষ্ট্ৰপতি চাইৰিল ৰামাফোছাও ভাৰতত আহি উপস্থিত হৈছে । যোৱা মাহত তেওঁ ব্ৰিকছ সন্মিলনৰ আয়োজন কৰিছিল । ৰাজধানী চহৰত উপস্থিত হোৱা আন নেতাসকলৰ ভিতৰত আছে চীনৰ প্ৰধানমন্ত্ৰী লি কিয়াং, ৰাষ্ট্ৰসংঘৰ সচিব প্ৰধান এণ্টনিঅ’ গুটেৰেছ, ওমানৰ উপ-প্ৰধানমন্ত্ৰী আছাদ বিন তাৰিক বিন টাইমুৰ, ৰাছিয়াৰ বৈদেশিক মন্ত্ৰী চাৰ্গেই লাভৰভ, দক্ষিণ কোৰিয়াৰ ৰাষ্ট্ৰপতি ইউন চুক ইয়েল, ইজিপ্তৰ ৰাষ্ট্ৰপতি এল-চিচি, ইউ এ ইৰ ৰাষ্ট্ৰপতি মহম্মদ বিন জায়েদ আল নাহিয়ান ৷
লগতে উপস্থিত হৈছে অষ্ট্ৰেলিয়াৰ প্ৰধানমন্ত্ৰী এণ্টনি আলবানিজ, কানাডাৰ প্ৰধানমন্ত্ৰী জাষ্টিন ট্ৰুডো, তুৰ্কীৰ ৰাষ্ট্ৰপতি ৰেচেপ টাইপ এৰদোগান, ইণ্ডোনেছিয়াৰ ৰাষ্ট্ৰপতি জোকো উইডোডো, ছিংগাপুৰৰ প্ৰধানমন্ত্ৰী লি ছিয়েন লুং আৰু ব্ৰাজিলৰ ৰাষ্ট্ৰপতি লুইজ ইনাচিঅ’ লুলা দা চিলভা । আফ্ৰিকান ইউনিয়নৰ অধ্যক্ষ আজালি আছৌমানী, ৰাষ্ট্ৰসংঘৰ সচিব প্ৰধান এণ্টনিঅ’ গুটেৰেছ, আৰ্জেণ্টিনাৰ ৰাষ্ট্ৰপতি আলবাৰ্টো এঞ্জেল ফাৰ্ণাণ্ডেজ ৷
এওঁলোকৰ উপৰিও আন্তঃৰাষ্ট্ৰীয় মুদ্ৰা নিধি (আই এম এফ)ৰ পৰিচালন সঞ্চালক ক্ৰীষ্টালিনা জৰ্জিয়েভা, মৰিচাছৰ প্ৰধানমন্ত্ৰী প্ৰবিন্দ কুমাৰ জুগনাউথ অৰ্থনৈতিক সহযোগিতা আৰু উন্নয়ন সংস্থা (OECD)ৰ সচিব- জেনেৰেল, মাথিয়াছ কৰ্মান, বিশ্ব বাণিজ্য সংস্থাৰ সঞ্চালক প্ৰধান এনগোজী অকনজো-ইৱেলা, ইউৰোপীয় আয়োগৰ সভানেত্ৰী উৰ্চুলা ভন ডেৰ লেয়েনেও দিল্লীত উপস্থিত হয় ।
লগতে পঢ়ক : Sand artist Sudarshan Pattnaik : শীৰ্ষ সন্মিলনৰ পূৰ্বে পুৰীৰ সাগৰ তীৰত বিশাল জি-২০ লগ’
