নেশ্যনেল ডেস্ক, ২৩ অক্টোবৰ : বৰ্তমান ভাৰতত দৈনিক ১৫ হাজাৰৰো অধিক লোক আক্ৰান্ত হৈছে ক'ভিড-১৯(COVID-19) ত । শনিবাৰে কেন্দ্ৰীয় স্বাস্থ্য আৰু পৰিয়াল কল্যাণ মন্ত্ৰালয়ৰ তথ্য অনুসৰি, শুকুৰবাৰৰ দিনটোত ভাৰতত নতুনকৈ ১৬,৩২৬ জন লোক মহামাৰীৰ কবলত পৰিছে । এই পৰিসংখ্যা সহ দেশত মুঠ আক্ৰান্তৰ সংখ্যা হৈছেগৈ ৩,৪১,৫৯,৫৬২ জন ।
আনহাতে, যোৱা ২৪ ঘণ্টাত মহামাৰীৰে যুঁজি ৬৬৬ জনে প্ৰাণ হেৰুৱাইছে । এতিয়ালৈকে দেশত ৪,৫৩,৭০৮ জন কৰ'ণা আক্ৰান্তৰ মৃত্যু হৈছে ।
লক্ষণীয়ভাৱে, কেৰালাত এতিয়াও ভয়াৱহভাৱে সংক্ৰমণ বৃদ্ধি হৈ আছে । যোৱা ২২ অক্টোবৰত কেৰালাত ৫৬৩ জন আক্ৰান্তই প্ৰাণ হেৰুৱায় । এতিয়ালৈকে ৰাজ্যখনত মহামাৰীত আক্ৰান্ত হৈ মুঠ ২৭,৭৬৫ লোকৰ মৃত্যু হৈছে । দেশজুৰি অব্যাহত থকা টীকাকৰণ অভিযানৰ অধীনত এতিয়ালৈকে প্ৰায় ১০১.৩০ কোটি লোকক প্ৰতিষেধক প্ৰদান কৰা হৈছে ।
- " class="align-text-top noRightClick twitterSection" data="">
বৰ্তমান দেশত আৰোগ্য হাৰ ৯৮.১৬ শতাংশ ।
যোৱা ২৪ ঘণ্টাত ১৭,৬৭৭ জন লোক সুস্থ হৈ উঠিছে । বৰ্তমানলৈকে দেশত ৩,৩৫,৩২,১২৬ জন লোক আৰোগ্য হৈছে । আনহাতে, বৰ্তমান দেশত সক্ৰিয় আক্ৰান্তৰ সংখ্যা ১,৭৩,৭২৮ জন । শুকুৰবাৰৰ দিনটোত মুঠ ১৩,৬৪,৬৮১ টা নমুনা পৰীক্ষা কৰা হৈছে ।
লগতে পঢ়ক: আত্মনিৰ্ভৰ ভাৰত স্বয়ংপূৰ্ণ গোৱা : হিতাধিকাৰীৰে মত বিনিময় কৰিব প্ৰধানমন্ত্ৰীয়ে
