নেশ্যনেল ডেস্ক, 25 ডিচেম্বৰ : ৰাজস্থানৰ জয়ছালমেৰত শুকুৰবাৰে নিশা ভাৰতীয় সেনাৰ এখন মিগ-২১ বিমান দুৰ্ঘটনা (MIG-21 Crashed in Jaisalmer) ত পতিত হয় ৷ জয়ছালমেৰৰ চেমৰ ডিএনপি অঞ্চলত নিশা 8.30 বজাত দুৰ্ঘটনাত পতিত হয় বিমানখন ৷
বিমানখন দুৰ্ঘটনাত পতিত হোৱাৰ তথ্য লাভ কৰাৰ পাছতেই ঘটনাস্থলীত আৰক্ষী-প্ৰশাসন আৰু অগ্নিনিৰ্বাপক বাহিনীৰ লোক উপস্থিত হৈ অভিযান আৰম্ভ কৰে । দুৰ্ঘটনাত এজন সেনা জোৱান নিহত হোৱাৰ কথা জানিব পৰা হৈছে ৷ বৰ্তমানলৈ জানিব পৰা হোৱা নাই জোৱানজনৰ পৰিচয় ৷
বৰ্তমানেও সন্ধানহীন হৈ আছে বিমানখনৰ পাইলট ৷ তেওঁৰ সন্ধানত উদ্ধাৰকাৰী দলে অব্যাহত ৰাখিছে অভিযান ৷ আনহাতে আন এটা উদ্ধাৰকাৰী দল সম্প্ৰতি জয়ছালমেৰলৈ ৰাওনা হোৱা বুলি জানিব পৰা হৈছে ৷
লগতে পঢ়ক : Omicron Case in India: পুনৰ জাৰি সান্ধ্য আইন
